مشاي بصف مشاي مكتوبه مسلم الوائلي كلمات محمود الموسوي

صوت مكتوب    قصائد مسلم الوائلي    تعليق   

كلمات قصيدة مشاي بصف مشاي مكتوبه

الرادود مسلم الوائلي
كلمات الشاعر محمود الموسوي

~~~~~~~~

لبيك واحسينا      لبيك واحسينا

~~~~~~~~

عباس امربينه .. خدام مخلينه
شعلينه بهاي الناس
من اتشوف الرايه .. شيل اجفوفك غايه
الخاطر جف العباس

دگ ولطم حيل شد روحك شد أنذوره
والزار حسين حته الله بعرشه يزوره

ما يحتاج الناس .. لو زار العباس

~~~~~~~~

لبيك واحسينا      لبيك واحسينا

~~~~~~~~

محترگين بناره .. باجر عدنه ازياره
مشاي بصف مشاي
ما نتفارگ باجر .. حسين بشمس العاشر
واحنه اندورله افياي

وما نشرب ماي بالموكب نشرب غيره
تمطر زوار باجر كل غيمه بديره

والخاطركم مولاي .. باجر نركض حفاي

~~~~~~~~

لبيك واحسينا      لبيك واحسينا

~~~~~~~~

باجر حته السابعه .. وي زوارك طالعه
والفوگاها يخدمون
ما تمشين بهيمه .. باجر فوگ الغيمه
شلج بالتل يم عون

باجر تمشين عالكوكب مو عالناگه
والعالوا بيج مهدينه يعور اطراگه

باجر يحسين الثار .. يطلع وي الزوار

~~~~~~~~

لبيك واحسينا      لبيك واحسينا

~~~~~~~~

هالخدمه شمحلاها .. العالم يتمناها
واحنه تربينه وياك
يالرازقنه أيامك .. كل جمره من اخيامك
تجوينه وما ننساك

باجر يحسين مشايه انطب عالشام
زينب بقصور خلهه واحنه الخدام

ونحطلك راس يزيد .. برماح ونطلب عيد

~~~~~~~~

لبيك واحسينا      لبيك واحسينا

~~~~~~~~

يحسين احنه برايتك .. ما فارگنه قرايتك
نطشر وتلم بينه
والعادانه براحته .. ما نهتم لحجايته
جا غير انته مربينه

ترزقنه وياك كون الطف ونشوفك جاي
وي السبعين نتبدل غيره وماي

وتحطنه اعله السبعين..خدامك ها يحسين