كلمات قصيدة تلث روايات مكتوبه
الرادود مسلم الوائلي
كلمات الشاعر محمد العقابي
~~~~~~~~~~~~~~~
يغـايـب عـد مـن تـبات وتحـيي الفـاطميات
الله يـساعـد عيـونك تـبچـي تلث روايـات
تـعال وشوفنـه شلـون نـاسك ضـامه عيـون
الـك بيهن يشوفـونك
تبچـي تلث روايـات
~~~~~~~~~~~~~~~
روايـه الأولـى وتـروح محـد يدري ويـن انتـه
وذا چلچل عليك الليل ولا غـافه الجـفن انـته
وتخلي أيدك على عيونك وتبجي براحتك سكته
ولا هـو الجروحه هـواي ثگيله تصير سالفته
حزنك حزن عـمره سـهر ما عـافلك عين
تريد الغـربه بضنونك
تبچـي تلث روايات
~~~~~~~~~~~~~~~
يغـايـب عـد مـن تـبات وتحـيي الفـاطميات
الله يـساعـد عيـونك تـبچـي تلث روايـات
~~~~~~~~~~~~~~~~
روايـه الثـانيه مـن تصير تمشـي وأيـدك بضهرك
شعـورك يـبدي يـتـألم محـد يمك يصبرك
ومـن تاخذ نـفس تگله الهوى يتـكسر بضهرك
المـغرب ثگـله هـم عليك وهـو انته بطرگ عـمرك
شـلون تخـلص الليل وانـته منيـلك حـيل
حـزن الدنيـا بمتونك
تبچـي تلث روايات
~~~~~~~~~~~~~~~
يغـايـب عـد مـن تـبات وتحـيي الفـاطميات
الله يـساعـد عيـونك تـبچـي تلث روايـات
~~~~~~~~~~~~~~~~
روايـه الثـالثه تأذيك تشعـر بيـها مـال وداع
ومـن گد ما بصدرك اخ مـن تگعـد تكض الگاع
ومـن تگوم گوه تگوم ما تگدر تگوم بسـاع
وانته منينلك ضـل شوف تبچي وانته حيلك ضاع
تغيـر وضعك هواي صعبه تشرب المـاي
وناسك لو يشوفونك
تبچي تلث روايات
~~~~~~~~~~~~~~~
يغـايـب عـد مـن تـبات وتحـيي الفـاطميات
الله يـساعـد عيـونك تـبچـي تلث روايـات
~~~~~~~~~~~~~~~~
شـلون ارتـاح واعـرف بيك ما مرتاح كل لونك
وتبچي مـن الصبح لليل هسه شـضال بعيونك
واعـرفك منشـلع گلبـك ولاكن اسأل شلونك
شـلونك وانته شابع اخ مـن الغربه لضنونك
گـوه تگوم وتطيح بس ما تگدر تصيح
وحـتى اليسئل شلونك
تبچي تلث روايات
~~~~~~~~~~~~~~~
يغـايـب عـد مـن تـبات وتحـيي الفـاطميات
الله يـساعـد عيـونك تـبچـي تلث روايـات
~~~~~~~~~~~~~~~~
وعيـونك تـرا احنـه هـواي صـار هـواي مشـتاكين
لاكن انته صح موجود بس ما ندري توگف وين
شخبارك يبعد الناس طمنه على وضعك زين
ولو انته بمجالسنه تجي لابس قميص حسين
تعال وشوفنا شلون ناسك ضامه عيون
الك بيهن يشوفونك
تبچي تلث روايات
لـو كـلش فگدناك وحدك محد وياك
وعـلى الغربه يعينونك
تبچي تلث روايات
~~~~~~~~~~~~~~~
يغـايـب عـد مـن تـبات وتحـيي الفـاطميات
الله يـساعـد عيـونك تـبچـي تلث روايـات
~~~~~~~~~~~~~~~~
