كلمات قصيدة حلمي جان مكتوبه
الرادود مسلم الوائلي
كلمات الشاعر حسن الترابي
- هيئة وارث الائمة (عج) | العراق -واسط -النعمانية
- رجب :: 2021-1442
- ~~~~~~~~~
- قصيدة : حلمي جان
- الرادود : مسلم الوائلي
- كلمات : حسن الترابي
- ~~~~~~~~~
- كتابة القصيدة : موقع صوت مكتوب
- تصوير : أعلام الهيئة
- م . صوت : كرار الموالي
- مونتاج : مصطفى العتابي
حلمي جان
الموت اذا سكت ونيني
يغمض العباس عيني
حلمي جان
توكف اهلي اعله الجنازه
عازتي لخواني عازه
حلمي جان
مثل الشمس غاب
حلمي وي الاحباب
حلـم حلـم
~~~~~
اعيوني عالباب انتجن
وانتضر جية ضعن
بيه عباس بظهر حسين
وينشد النجمة بقهر
كلبي ويدور كمر
ويكلي اهلج زينب وين
ياكلبي كافي ولم العتاب
متانيمن وعينك على الباب
وتراب غطه احباب التراب
ميتين اهلنه وموش غياب
سد العيون مايردون
وبطل الونين
كل الاحباب جوه التراب
حته الحسين
يازمان
الماتت برحوة أملها
تحيه من اترد اهلها
حلمي جان
توكف اهلي اعله الجنازه
عازتي لخواني عازه
حلمي جان
ياجرحي ما طاب
مثل الشمس غاب
حـلـم حلـم
~~~~~
المستهل
~~~~~
يهمس بكلبي جرح
شما اغمض ينذبح
نحر حسين كبالي يصير
هنا سهم وهناكَ جف
ذاك ابو فاضل نزف
حد ما مات ومات الخير
داس اعله صدره الراح والجاي
عطشان ويون لخته بهداي
وفاي اخوي هواي وفاي
ميت عطش وبجربته الماي
بجربته الفيض مسومر الغيض
الخيمتي اندار
للخيم عين و وحده الحسين
بينه محتار
بيا مجان
زينب ويا تل خذاها
تمشي بعيونك وراها
حلمي جان
توكف اهلي اعله الجنازه
عازتـي لخوانـي عـازه
حلمي جان
تعبـني العتـاب
مثل الشمس غاب
حلم حلم
~~~~~
المستهل
~~~~~
اذكر ايامـي واحـن
وانكسر كسرة غصن
ما ظل كلشي من اهلي وياي
ذبحو اكبالي العشك
وجملت خيل السحك
جرحه وبدو يمه الماي
ياكلبي تحمل ظيم جندوب
وحسين فوك الغبرة مكلوب
شفت العزيز مسلب الثوب
محد سترنه بذاك الغروب
عطشوه حيل وجابو الخيل
تسحك اعليه
يومي الي جان يكلي عطشان
بيش ارويه
جان امان
لهله ومدلل بناته
جتفو بالطف خواته
حلمي جان
توكف اهلي اعله الجنازه
عازتي لخواني عازه
حلمي جان
وشفت الصدر ذاب
مثل الشمس غاب
حـلـم حـلـم
~~~~~
المستهل
~~~~~
كلشي يوجعني واحس
وكفتي عالتل امس
سلبت من اجدامي الحيل
شفت اخوي بلا نحر
كام اليه وما كدر
ودنه اعليه وي الخيل
كتله التهي بجروحك ونام
يحسين ما توصل للخيام
بس منحر وماعندك اجدام
وخيل اعله صدرك فوك الاسهام
عالرمل نام وانه للشام
امشي يحسين
مهنه بالنوم وادري ملجوم
من الونين
خويه حان
وداعك وكلبي جرحته
يمك احجي وانته سكته
حلمي جان
توكف اهلي اعله الجنازه
عازتي لخواني عازه
حلمي جان
غطاك التراب
مثل الشمس غاب
حلـم حلـم
~~~~~
المستهل
~~~~~
ياكلب لاتنتظر
محد بزينب يمر
ولا تنشد وين العباس
ياحلم هد الجفن
عيوني تعبه الحزن
والليلة اتشيعني الناس
اعله اجتاف غربه الليلة تنشال
يهلي الجنازة والكلب مال
ميته واحس بجفوفي الحبال
هاي السبيه بظهري تنكال
موتي يهواي ارحم اهواي
من الافراك
يهلي يفياي شما شفت ماي
ليكم اشتاك
كل مجان
يرسم اهلي وي الحوافر
كسرة ضلوع وخواطر
حلمي جان
توكف اهلي اعله الجنازه
عازتي لخواني عازه
حلمي جان
يهلي العكل شاب
مثل الشمس غاب
حلم حلم
~~~~~
المستهل
~~~~~
