كلمات ليالي الجروح مكتوبه
الرادود محمد باقر الخاقاني
كلمات الشاعر احمد الهلباوي
- هيئة الحسن المجتبى (ع)| العراق - الديوانية - قضاء السنيه
- محرم :: 2022-1444
- ~~~~~~~~~
- قصيدة : انا منطي مولاي كلمة مكتوبة
- الرادود : محمد باقر الخاقاني
- كلمات : احمد الهلباوي
- ~~~~~~~~~
- كتابة القصيدة : موقع صوت مكتوب
- تصوير : الطفوف ميديا
- مونتاج : سجاد محسن
- مكساج : احمد البرمكي
اجي له واروح .. وامد له الادين
اضجاً وانوح .. حبيبي الحسين
~~~~~
ليالي الجرح رزقي بالدمع وما ينكطع نحيبي
وسحابة هضم تمرني
فطرتي البجت والكلب يون ناعي لحزن حبيبي
وغربته وجع كسرني
ياليالي الجروح هلي
وأريد ابمصاب خلي
اضج بالنحيب
أعيش انعى لخيام كَلبه
وعلى إسمه اليفوح غربه
واموتن غريب
أمير الخدم أميري وكعبة الشيم
حسينٌ ونعم الامير
يعتني ألالم واسمعه بعتبة الخيم
ينادي الا من مُجير
ليالي الجروح .. مشت بيه وين
اضجن وانوح .. حبيبي حسين
~~~~~
حسين حبيبي حسين حبيبي
~~~~~
ألا يا جرح عاشر الظما يا فاطمه أرد أنادي
وابتدي باسمها نوحي
علي تلتفت وانه باللطم وجمرة هضم بديها
تحطها بوسط جروحي
وانا منطي مولاي كلمه
ما اعيشن بغير خدمه
وادور رضاه
بخدمته ادعي يزيد حضي
وبالبواجي يدوم نبضي
وعيش ابهواه
طويل الدرب ويريد الكلبه يدي حب
ومروؤة وعلى الطف غيور
حبيب الكلب سمحلي بها لعزاء اطب
مواسي رغم كل قصور
للإنطاني روح .. والانطاني عين
اضجن وانوح .. حبيبي حسين
~~~~~
حبيبي حسـين حبيبي حسيـن
~~~~~
ليالي الجرح منبع الشيم عند الخدم عقيده
الدمع لليحب طهاره
محزمه لعزاء صاحب الفضل الماكو مثل حنانه
إله بكل كلب شراره
بلا حبه الحياة صحره
اليحبه قصير عمره
وصفنته تطول
وبغرامه الجروح ولهي
وفدائه العيون كلها
حبيب البتول
تحير الجمل بجماله وناظري انشغل
بعيونه عليها السلام
طويل الأمل برحمته وادري بيه قبل
خدمتي ودموع الغرام
اجيله وأروح .. وامدله الادين
اضجن وانوح .. حبيبي حسين
~~~~~
حبـيبي حـسـين حبـيبي حـسيـن
~~~~~
ليالي الجرح مهبط النعي وي مدمعي اشوفه
بغربته وصحت يظامي
لخدمته أنتمي وللبجي أستعد ما أبتعد واعوفه
غريب الوطن إمامي
ياليالي الجروح زيدي
على الما يعوف ايدي
يحقلي العويل
أرد اذوب بهواه واتعب
عليه ابچي دوم وانحب
واصيحن دخيل
أسير العدا يصير وجرحه ضاهده
يويلي شعظم هالمصاب
يعيد الصدى ونینه بهيمه وحده
وجروحه لحمها التراب
وقميصه يلوح .. بسما الخافقـين
واضجن وانوح .. حبيبي حسيـن
~~~~~
حبيـبـي ياحسيـن حـبيبي يـاحـسين
~~~~~
جميل. اجدنن
ردحذف