قصيدة اصيحن يابابا نمت بالخرابه مكتوبة
كلمات واداء مرتضى حرب
اصيحن يبابه .. نمت بالترابه
ترف خدي بويه .. وچوتني الترابه
زغيره واريدك .. انام اعلى ايدك
چوتني الترابه . چوتني الترابه
~~~~~~
علي يا بويه شي ما شفته ظل يسدي
انضرب وچفوف اشاجف بويه ماعندي
وعضبة الناگه تاذي ضلوعي من تحدي
وچم لسعه الترابه خلت بخدي
انا مدللتكم .. عجب عفتوا بتكم
چوه خدها بويه .. مثل خد اختكم
اشمن وريدك .. انام اعلى ايدك
چوتني الترابه . چوتني الترابه
~~~~~~
اصيحن يبابه .. نمت بالترابه
ترف خدي بويه .. وچوتني الترابه
زغيره واريدك .. انام اعلى ايدك
چوتني الترابه . چوتني الترابه
~~~~~~
اصبح وامسي بويه بعبرة مختنكه
المغرب بويه حيل اشتاگ للملگه
مثل حضنك حضن لخدودي وين الگه
بخرابه وحر علي ّوخدودي محترگه
اريدك يعودي .. تداوي خدودي
المهن وجعني .. وزجر بويه گودي
عليك بحبيبك .. انام اعلى ايدك
چوتني الترابه . چوتني الترابه
~~~~~~
اصيحن يبابه .. نمت بالترابه
ترف خدي بويه .. وچوتني الترابه
زغيره واريدك .. انام اعلى ايدك
چوتني الترابه . چوتني الترابه
~~~~~~
بحبيبك بويه احلفك ياحبيب الله
تجي تطيب جروحي وجدمك تنگله
ترى من الرحمة ذول گلوبهم تخله
من اطيحن حيل صاحوا ما مش اسم الله
من اطيحن يجوني .. وشتم چملوني
يطگوني وافتح .. اعله راسك عيوني
واعاتب عضيدك .. انام اعلى ايدك
چوتني الترابه . چوتني الترابه
~~~~~~
اصيحن يبابه .. نمت بالترابه
ترف خدي بويه .. وچوتني الترابه
زغيره واريدك .. انام اعلى ايدك
چوتني الترابه . چوتني الترابه
~~~~~~
يطگوني وادور الراسك عيوني
وعله خدي الچوته الگاع سطروني
هك شوف شكثر چم سوط بمتوني
وچم چف انطبع بخدودي واذوني
شتايم حچيهم ..ولا رحمه بيهم
يبويه واثرهه ..عله خدودي اديهم
ومثل جيدي جيدك .. انام اعلى ايدك
چوتني الترابه . چوتني الترابه
~~~~~~
اصيحن يبابه .. نمت بالترابه
ترف خدي بويه .. وچوتني الترابه
زغيره واريدك .. انام اعلى ايدك
چوتني الترابه . چوتني الترابه
~~~~~~
رقيه مدللتكم ليش عفتوهه
هيچ ام الخدر صاحت عله اخوهه
التنومهه اعله چفك هسه نوموهه
بخرابه وبالشتايم من يگعدوهه
وحگ عودي جدهه .. ولا وجنه عدهه
بسطر وبخرابه .. انمرد منهه خدهه
دفز من رغيدك .. انام اعلى ايدك
چوتني الترابه . چوتني الترابه
~~~~~~
اصيحن يبابه .. نمت بالترابه
ترف خدي بويه .. وچوتني الترابه
زغيره واريدك .. انام اعلى ايدك
چوتني الترابه . چوتني الترابه
~~~~~~
يفاطم هينه علتچ مو مثل علتي
بخرابه مثل اخيتچ انتي مانمتي
من السوط اخ اصيح وانتي من صحتي
انه جويعده وحمل ضعن خلتي
يخيتي بلوتي .. سببهه انه موتي
انه بعيني گطعوا ..شفت روس اخوتي
يبويه ادري عيدك .. انام اعلى ايدك
چوتني الترابه . چوتني الترابه
~~~~~~
اصيحن يبابه .. نمت بالترابه
ترف خدي بويه .. وچوتني الترابه
زغيره واريدك .. انام اعلى ايدك
چوتني الترابه . چوتني الترابه
~~~~~~
