ياغالي واغله من النفس مكتوبة
الرادود سيد فاقد الموسوي
كلمات الشاعر محمد الجراح
ياغالي واغله مــِْن النفس
يابو الحسن حبنه انفس
يا في حياااتي
تانيني يمك راح اجي
مليت الصور والبجي
يافي حياااتي
~~~~~~~~~~~
طحت يمك تراچي زلف لمن قروك
يمسجون ابخيالي خذوا روحي الخذوك
كل اليلاگوني .. بهجرك يحاچوني
شو ماكو بعيوني .. وين ارحلت وين
ياصبحي ياليلي .. ياونستي وحيلي
يالجنك ادخيلي .. وين ارحلت وين
ياصفنة ياغبشة نده
بضعن الورد ياهو الحده
وينك حبيبي
ينشدوني عنك وابتسم
وبس اذكر الفرگه انثلم
وينك حبيبي
~~~~~~~~~~~~
ياغالي واغله مــِْن النفس
يابو الحسن حبنه انفس
يا في حياااتي
تانيني يمك راح اجي
مليت الصور والبجي
يافي حياااتي
~~~~~~~~
بخت عندي واشوفك وسلوفلك عليك
وكلك عشرتي محابس بين اديك
محبس وبجفوفك .. شتسوي ماعوفك
ياونستي اجروفك .. يا عز دلالي
خليني ابالك .. واهتملي ابحالك
بس تحزن انعالك .. يا عز دلالي
ياطير الك بيه غصن
منتظرك عيون وحضن
يا حر الاشواك
والعافية البيه الك
هنياله الصارت هلك
يا حر الاشواك
~~~~~~~~~~~~
ياغالي واغله مــِْن النفس
يابو الحسن حبنه انفس
يا في حياااتي
تانيني يمك راح اجي
مليت الصور والبجي
يافي حياااتي
~~~~~~~~
يروحي وحياتي كبر بيه شتالك
يبس انه بصفنتك ولا واحد حلالك
ارد اسمع اشلونك .. تحجيهه بعيونك
يا وحشتي ابدونك .. طالت صفنتي
يالصاير اهلالي .. لا ترحم بحالي
صير انته جتالي .. طالت صفنتي
~~~~~~~~
