كلمات قصيدة صبر ماظل وكابر مكتوبه
الرادود مسلم الوائلي
كلمات الشاعر حسـن الترابي
مكسور ضهري اعله الباب ودامي
عاشور من غربه لغربه ايامي
صبر ما ضل وكابر على امي اعله الحوافر
عالباب عالباب
~~~~~~~~~~~~~~
ياصبر يجبر ماصبي كلبي يويميه بكسر
صبر ما ضل وكابر على امي اعله الحوافر
عالباب عالباب
~~~~~~~~~~~~~~
ياصبر يجبر ماصبي كلبي يويميه بكسر
ليله وي جرح امي ابات وليله اباتن باليسر
احن وابجي لهلي واجروحي ماتنشف
اون ساعه على ام واساعه اون عل الطف
الغوث اصيح ويرجع الصـوت
بين الزجية وكربله المــوت
ياغربتي وي عمتي بنفس السبي يدور
اه ياعلي محد الي وتعبني عاشور
غريب وحزني عاشر
صبر ماضل وكابر
عالباب عالباب
~~~~~~~~~~~~~~
مكسور ضهري اعله الباب ودامي
عاشور من غربه لغربه ايامي
صبر ما ضل وكابر على امي اعله الحوافر
عالباب عالباب
~~~~~~~~~~~~~~
يومي يبدي بوحشة اهلي وينتهي بموت الشمع
العاشر ابكل مغربيه ينعرض بعد الضلع
ومابين النحر وامي شبابي يموت
افه وصار بحصيرة حسين مو تابوت
بين الجرح والدم جنت غاد
الحافر خذاني ومالي نشاد
الحافر خذاني ومالي نشاد
وحدي وهمت وتغربت وي ثوب الحسين
يانينوى كلبي انجوه بنار الصواوين
جمر بين المحاجر
صبر ماضل وكابر
عالباب عالباب
~~~~~~~~~~~~~~
مكسور ضهري اعله الباب ودامي
عاشور من غربه لغربه ايامي
صبر ما ضل وكابر على امي اعله الحوافر
عالباب عالباب
~~~~~~~~~~~~~~
عمري مرهون ابعذاب اهلي ومسافات السبي
بامي لو بالطف احير اهنا ضل وهنا عبي
بضعن عماتي روحي وبالخدر حاير
عبيهن كصرت من النار بالعاشر
الهاضمني ركضة عمتي اشلون
ما تندل وتتهطر ام عون
من التل هوت من حشمت وينك يالحسين
كونك عدل جابو هزل والليلة ماشين
وانه بعماتي حاير
صبر ما ضل وكابر
عالباب عالباب
~~~~~~~~~~~~~~
مكسور ضهري اعله الباب ودامي
عاشور من غربه لغربه ايامي
صبر ما ضل وكابر على امي اعله الحوافر
عالباب عالباب
~~~~~~~~~~~~~~
من عذاب امي لمحرم شمعه ليليه احترك
مره يكسر ضلعي باب ومره بالخيل انسحك
الهاضمني الكمر بموادع حسينه
مشه وضلت حمامه عله الخدر عينه
يابو الفضل هان العمر هان
محد يهابه الما اله خوان
يمشي وعثر حسين انكسر من شاف اخيه
كام وهوه يدفعه الهوه بالغاضرية
وانه بهاي المشاعر
صبر ما ضل وكابر
عالباب عالباب
~~~~~~~~~~~~~~
مكسور ضهري اعله الباب ودامي
عاشور من غربه لغربه ايامي
صبر ما ضل وكابر على امي اعله الحوافر
عالباب عالباب
~~~~~~~~~~~~~~
