كلمات قصيدة اليتعبك ينعشك مكتوبه
الرادود مسلم الوائلي
كلمات الشاعر محمد الموسوي
هاي الكضته تصيحلي الغالي
خلتني وحدي ودمعتي تلالي
لاتطر يالفجر .. مو علي الينهجر
هاي الكضته تصيحلي الغالي
~~~~~~~~~~~
يالتراب . عله ام حجاب
وسفه تنذب وانه حي
حيلي راح . شستراح
دافن الكوثر بدي
يا سمله
عليج ماكايل فدة
طاح شوج اعله الندة
علي ضل لوحده
ياسملة . ياسملة
ليش باله
اليتعبك ينعشك
واليصاحب يفترك
واليفارك يختنك
ليش باله . ليش باله
ليش الاحبه ويوصل لجبدي
يهجرني وانه فراكه مو كدي
دللتها شكثر .. مو علي الينهجر
~~~~~~~~~~~
هاي الكضته تصيحلي الغالي
خلتني وحدي ودمعتي تلالي
لاتطر يالفجر .. مو علي الينهجر
هاي الكضته تصيحلي الغالي
~~~~~~~~~~~
ياضواي . ياحلاي وياهلي
من الحنان. العده جان
جنت اسميه ام علي
يا ام بيتي
المارمش يمهه الجفن
خاف اغمض خاف احن
هسه شلتج عالمتن
يا ام بيتي
سيريتي
حلم ورموشي غطه
ليش طيفج ما بطه
حلم فر فرة كطه
سيريتي . سيريتي
جم مره كتلج وين هالغيبه
ورموشي صارن شيبه يم شيبه
والظهر منكسر .. مو علي الينهجر
~~~~~~~~~~~
هاي الكضته تصيحلي الغالي
خلتني وحدي ودمعتي تلالي
لاتطر يالفجر .. مو علي الينهجر
هاي الكضته تصيحلي الغالي
~~~~~~~~~~~
من جفاج . شكد وراج
نزلت دموعي ذهب
شكد بجيت. مانسيت
انتي احله من العتب
هيه قسمه
وكلبي عاشك وانهجر
وجدمي بالممشة عثر
وياي عمرج شو كصر
هيه قسمه . هيه قسمه
العين تعمه
كون فاركهه الضوه
وانتي اغله من الهوه
فراكج ودمعي سوه
العين تعمه .العين تعمه
حيدر هذاك الحلفوا بصبره
بجيتي عينه وانكسر ضهره
بين عليه كبر .. مو علي الينهجر
~~~~~~~~~~~
هاي الكضته تصيحلي الغالي
خلتني وحدي ودمعتي تلالي
لاتطر يالفجر .. مو علي الينهجر
هاي الكضته تصيحلي الغالي
~~~~~~~~~~~
تعبي راح .. دمعي طاح
ضاكت بعيني السمه
شعندي ضال .. بليه بال
يامن يرد فاطمه
تعبني
ذكرياتج ياهلي
يافرحتي الموش الي
يكسر الخاطر علي
تعبني .تعبني
رحتي مني
وراح كل ذاك العشك
واليدك ضل مايدك
خاف يوكف من صدك
رحتي مني . رحتي مني
كلساعه يوكف هذا البصدري
جم مره بعدج متت ماادري
لاحلاي العمر .. مو علي الينهجر
~~~~~~~~~~~
هاي الكضته تصيحلي الغالي
خلتني وحدي ودمعتي تلالي
لاتطر يالفجر .. مو علي الينهجر
هاي الكضته تصيحلي الغالي
~~~~~~~~~~~
كل حبيب .. من يغيب
يبدي كلبك ينعصر
الموت اجاج .. من خذاج
بالنفس كمت انهطر
مو ابالي
اعطش وانه النهر
تذبل بعيني الصور
هذا كسران الظهر
مو ابالي .مو ابالي
موش غالي
الما ينزل دمعتك
الما يخرب مشيتك
الما يطلع حسرتك
موش غالي . موش غالي
وانا اعله كلهن طشريتيني
من كل كتر اتلوه عفتيني
صاحبيتي الكبر .. مو علي الينهجر
~~~~~~~~~~~
هاي الكضته تصيحلي الغالي
خلتني وحدي ودمعتي تلالي
لاتطر يالفجر .. مو علي الينهجر
هاي الكضته تصيحلي الغالي
~~~~~~~~~~~
