كلمات قصيدة اكثر من الماي مكتوبه
الرادود مسلم الوائلي
كلمات الشاعر حيدر سامي السعدي
~~~~~~~~~~~~
تگضي السوالف والكسر مابي حجي هواي
بس الحجي عن كربله أكثر من الماي
من هسه أحس ابني عطش
خوف وضمه بليل اهدعش
أكثر من الماي أكثر من الماي
~~~~~~~~~~~~
شبيهه عيوني وليش الليله حسين يعطشني شما ذكره
من احشاي المحسن طايح لو طاح حسين من المهره
علي .. الخاطر ريج حسين اليابس لتنگطلي الماي
علي .. دير الگطرات اعله شفافه وليدك ضامي هواي
علي .. من يعطشون
علي .. ينشفون عيونه
علي .. شيسدهه العين وعطشان حسين
حته الكبش گبل الذبح هم ينسگي بهاي
وانه ابني ضامي ينذبح وعيونه عالماي
من هسه أحس ابني عطش
خوف وضمه بليل اهدعش
أكثر من الماي أكثر من الماي
~~~~~~~~~~~~
تگضي السوالف والكسر مابي حجي هواي بس الحجي عن كربله أكثر من الماي
من هسه أحس ابني عطش
خوف وضمه بليل اهدعش
أكثر من الماي أكثر من الماي
~~~~~~~~~~~~عالقبله بجفك دايرني الميت يتهيب يم اهله
اوليدك باجر محد يمه والخيل اتديره اعله القبله
علي .. مو بسمار يفوت بصدره تفوت بصدره ارماح
علي .. اوليدك باجر فوگ الغبره جنازه بلايه اصياح
علي .. جنازه يظل وحده
علي .. ايدور عله لحده
علي .. مامش دفان وابنك عريان
يستعجلون بدفنته ابنادم إذا مات
اوليدك ثلث تيام ظل فوگ الثره ايبات
من هسه أحس ابني عطش
خوف وضمه بليل اهدعش
أكثر من الماي أكثر من الماي
~~~~~~~~~~~~
تگضي السوالف والكسر مابي حجي هواي بس الحجي عن كربله أكثر من الماي
من هسه أحس ابني عطش
خوف وضمه بليل اهدعش
أكثر من الماي أكثر من الماي
~~~~~~~~~~~~بهدومي اتغسلني وابنك لا هاي ولا هاي بيومه
يتغسل بجروحه اوليدي والوادم تسلب بهدومه
علي .. لو مرت ايدك يم ضلعي تذكر ابنك زين
علي .. باجر من گد ميسحگونه يصير خيال حسين
علي .. فوگي تمر أيدك
علي .. تمر خيل اوليدك
علي .. واللي موذري شيتغسل بي
من وزع اجفان النبي حسبتهن العين
كلمن جفن بس يا وسف ما حصل حسين
من هسه أحس ابني عطش
خوف وضمه بليل اهدعش
أكثر من الماي أكثر من الماي
~~~~~~~~~~~~
تگضي السوالف والكسر مابي حجي هواي بس الحجي عن كربله أكثر من الماي
من هسه أحس ابني عطش
خوف وضمه بليل اهدعش
أكثر من الماي أكثر من الماي
~~~~~~~~~~~~هاليله تشيعني بسكته وحسين ايحطني اعله امتونه
فوگ امتون انشال الليله وعله ارماح ابني يشيعونه
علي .. مناوب باجر ينشال ابني وراسه من ايد الايد
علي .. موش الگبره ابني يودونه اعله يزيد
علي .. اگبال عيون اخته
علي .. ينزف دم شفته
علي .. حته من يموت يعذبه الزاتوت
اي يا علي الما عنده اخو يظل گلبه معتاز
باجر حسين بكربله ايدورله جناز
من هسه أحس ابني عطش
خوف وضمه بليل اهدعش
أكثر من الماي أكثر من الماي
~~~~~~~~~~~~
تگضي السوالف والكسر مابي حجي هواي بس الحجي عن كربله أكثر من الماي
من هسه أحس ابني عطش
خوف وضمه بليل اهدعش
أكثر من الماي أكثر من الماي
~~~~~~~~~~~~من تدفني ادفني بهيده وخل بالك يم ذيج الصحره
المحسن گبر الوحده وبالطف عبدالله بصدر ابنك گبره
علي .. بصدر حسين الحافر يحفر مو بتراب الگاع
علي .. حسين الطوله يجيس الغيمه يصبح طوله ذراع
علي .. من يلمونه
علي .. مطشر يلگونه
علي .. جثه بلا راس هو وعباس
اي يا علي ادفني بعد ورجعلي كل ليل
اقره اعله گبري مقتله من العطش للخيل
من هسه أحس ابني عطش
خوف وضمه بليل اهدعش
أكثر من الماي أكثر من الماي
~~~~~~~~~~~~
تگضي السوالف والكسر مابي حجي هواي بس الحجي عن كربله أكثر من الماي
من هسه أحس ابني عطش
خوف وضمه بليل اهدعش
أكثر من الماي أكثر من الماي
~~~~~~~~~~~~