كلمات قصيدة يخو زينب مكتوبة
الرادود مسلم الوائلي
كلمات الشاعر محمد الموسوي
- هيئة أحباب الحسن (ع) العراق - النجف الأشرف
- محرم الحرام :: 2021-1443
- ~~~~~~~~~
- قصيدة : يبو فاضل يخو زينب
- الرادود : مسلم الوائلي
- كلمات : محمد الموسوي
- ~~~~~~~~~
- كتابة القصيدة : موقع صوت مكتوب
- تصوير : مجموعة ميامين
- م . صوت : حسن يونس
- مونتاج وتلوين : محمد كاظم
~~~~~
يبو فاضل .. يخو زينب
يبو فاضل .. يخو زينب
~~~~~
ياهيه عدها اخوان .. مثلج بيت عدنان
لو طبوا الميدان .. تتخورس الناس
تتخورس الناس
بالدنيا همه اثنين .. منهم يزينب وين
هنيالج اعله حسين .. والهيبة عباس
والهيبة عباس
كاع الطف ثكيله ورايده اسباع
وحسينج مشرد الخيل والكاع
اخوج الهيبه .. حلاته ابشيبه
~~~~~
يبو فاضل .. يخو زينب
~~~~~
شمس الله من عباس .. تنكل ضوه عله الناس
من غبشة الله احساس .. تترس دربنه
تترس دربنه
عشك الكمر جتال .. واحنه عله كد الحال
هو اسمه من ينكال .. يوكف كلبنه
يوكف كلبنه
الله انطاه كرامة وعلَم الناس
كلشي يصير بينه بكيفه عباس
نحج ونطوفه .. دخيل اجفوفه
~~~~~
يبو فاضل .. يخو زينب
~~~~~
يبن الكبل معروف .. اربع جهات ايشوف
يالماترد اجفوف .. يمرخص الماي
يمرخص الماي
اهل السمه من الشوك .. لو مرهم المعشوك
جفيته تكضي علوك .. عشاكك هواي
عشاكك هواي
لو عباس نفرض عاشك اثنينه
هم يطلع يحب حسين وحسينه
الف هنيالي .. يتارس بالي
~~~~~
يبو فاضل .. يخو زينب
~~~~~
راعي الكرم والطيب .. ياهيه مثله تجيب
كلشي بحضرته يطيب .. بدر الهواشم
بدر الهواشم
عالفطره حبيناه .. طاريه لو جبناه
لازم نصيح الله .. و نكله خادم
و نكله خادم
تسبيحة الزهرة بكل فرض ياس
كون تخلص بعباس عباس
فرض يستاهل .. دخيل الكافل
~~~~~
يبو فاضل .. يخو زينب
~~~~~
سبحانه المسويك .. يالحيدر محليك
خله الحواجب بيك .. تشبه فقاره
تشبه فقاره
كل شده بيك تهون .. واجب نشوفك كون
بعيون اليصلون .. مو بس بزياره
مو بس بزياره
كلشي من انخلق بيه حكمة و ادراك
بس انته الله من سواك سواك
يكلشي لخاطرك .. يمحد عابرك
~~~~~
يبو فاضل .. يخو زينب
~~~~~
يا درة يا هبهاب .. من كل كتر تنهاب
انته الشلعت الباب .. ودخيل الجفوف
ودخيل الجفوف
يمركض الفرسان .. يمخوف الشجعان
يا هيبة الميدان .. يمخوف الخوف
يمخوف الخوف
خل نصيح كلنه بصوت يا ناس
تبا للسيوف وعاش عباس
يشيخ الساده .. حلاته اعناده
~~~~~
يبو فاضل .. يخو زينب
~~~~~
