كلمات قصيدة الميته زينب مكتوبة
الرادود مسلم الوائلي
كلمات الشاعر محمد البطحاوي
- هيئة الشاب الحيدري - العراق - واسط
- رجب :: 2022-1443
- ~~~~~~~~~
- قصيدة : الميته زينب
- الرادود : مسلم الوائلي
- كلمات : محمد البطحاوي
- ~~~~~~~~~
- كتابة القصيدة : موقع صوت مكتوب
- تصوير : وارث للانتاج الحسيني
- م . صوت : كرار الموالي
- مونتاج وتلوين : كاظم الموسوي
~~~~~
التموت اخته وتجيه اتواسي ناسه
تسلم اعليه تكله البكه براسه
حسين انه شأكلك اذا مجورح كلك
اتواسي ناسه
~~~~~
المتيه زينب وانته راسك كاطعينه
شلون اكول البكه ابراسك
زينب اختك حته بالموته وحيده
اليمها غربه ماهي ناسك
الصاحت من طحت يحسين دفنوها بلايه اصياح
الاجتك تركض وطاحت نعشها اعليه اخو ماطاح
هضيمه زينب العباس تموت ابديرة الذباح
اعله زينب والمصيبة تدمع العين
بس ياجلمه اكول اتعزي الحسين
شيكول الوصلك اذا مجروح كلك
البكه براسه
~~~~~
المستهل
~~~~~
لو كلتلك جانت بحاجة اخوها
خاف افزز ذكرياتك
تذكر الطف من جنت طايح اجتك
وجابت وياها بناتك
الطرت جيشهم صوبين اوصلتلك تتجيلك
الوكفت بالشمس لاجلك ابعبايته تذريلك
بس اتشوفها يحسين ضيم الشام تحجيلك
لرض الشام ودوها العقيله
وعثرت بيها بالسوك الهزيله
وكف كلبه اليدلك اذا مجروح كلك
البكه ابراسه
~~~~~
المستهل
~~~~~
الك شحجي انه وسولفت ويه زينب
متني اخوه ماشال نعشج
والمصيبة الميت اهله اتسدله عينه
ياهو سد بالموت رمشج
المجروح من كل صوب شسولفله ابممات اخته
نعش زينب اكول اشولن غرب يحسين شايلته
المايمه اهل واخوان ياهو اليبني فاتحته
الما يمها اهل لا شيعوها
اشلون احجي الجره اعليه لخوها
عن زينب شسألك اذا مجروح كلك
البكه ابراسه
~~~~~
المستهل
~~~~~
حسين اخيك بالمصيبة شلون اعلمه
ابحضن زينب جان يغفه
لو رحتله شلون امد ايدي واسلم
وابو فاضل ماهو جفه
الاعز من روحه حاسبها كله ماتت ابغربه
المره صاحته عباس سمع بيها اوكف كلبه
لو يدري بجت زينب يكض الكون ويكلبه
مصيبه زينب الصارت جبيره
ماتت لا اهل يمها وعشيره
ماضل يمها ضلك اذا مجروح كلك
البكه براسه
~~~~~
المستهل
~~~~~
الي طلعت ابكربلة والدنية ضلمه
ادورك انته مو ابنها
تبجي ماتت واخر حجاية حجتها
اتمنتك تحضر دفنها
كتلها الشوك الك يحسين وفوكاها الشماته اهواي
اعله رمحك جانت اتحاجيك خويه انزل وامشي وياي
جي تذكر طحت عطشان تموت اشما تشوف الماي
العاشت كربلة وضيم السبايه
ماتت والجفن يمكن عبايه
المحب دمعه نزلك اذا مجروح كلك
البكه ابراسه
~~~~~
