كلمات قصيدة عباس بونينك مكتوبه
الرادود مسلم الوائلي
كلمات الشاعر محمد الموسوي
( لا تحيرني بجفاك مسلم الوائلي كلمات )
تگعد لوسوه انموت لو احتار وحدي
هوه انه يعباس چم عباس عندي
~~~~~~~~~~~~~~~~~~~~
رايح . عباس ابونيتك ضاگ صدري
رايح . اول مره هاي انطيك ظهري
خويه وزين ظلت روح بيه
زين ولحگت زينب عليه
رايح . رايح
~~~~~~~~~~~~~~~~~~~~
لا تحيـرني ابجفاك . اتگوم لو اموتن وراك
امده الموت الخذاك وماخذاني
مدري اسكت مدري انوح . گمت اجي يمك واروح
منين اجيب للخيم عباس ثاني
تگعد لوسوه انموت لو احتار وحدي
هوه انه يعباس چم عباس عندي
عباس . حيرت الحسين وتاه دربه
عباس . فك عينك لخيك وگف گلبه
كلش حيرتني وزاد نوحي
اول مره هاي ابچي اعله روحي
رايح . رايح
~~~~~~~~~~~~~~~~~~~~
رايح . عباس ابونيتك ضاگ صدري
رايح . اول مره هاي انطيك ظهري
خويه وزين ظلت روح بيه
زين ولحگت زينب عليه
رايح . رايح
~~~~~~~~~~~~~~~~~~~~
يالمعودني عليك . عادي گوم ابلايه اديك
سوي كلشي ولاتظل عالگاع سكته
من اروح اتون وراي . وترضه ماترضه اعله هاي
حسين يم نسوانكم نزلت دمعته
سوهه لخاطر حسين فاضت نار صدري
ولدي الكلش اعزاز ماكسرولي ظهري
راحوا . زينب من بچت گلتلها سكتي
عباس . وانته الطلعت روحي ودمعتي
لا والغاثني ابطيحتك هاي
انه ابچي وعدوي يضحك اوياي
رايح . رايح
~~~~~~~~~~~~~~~~~~~~
رايح . عباس ابونيتك ضاگ صدري
رايح . اول مره هاي انطيك ظهري
خويه وزين ظلت روح بيه
زين ولحگت زينب عليه
رايح . رايح
~~~~~~~~~~~~~~~~~~~~
انته بعيونك سهم . وانه عيني اعله الخيم
آخ لن من الخيم طلعن حرمنه
آخ خويه اركاض إجن . اگبالهم وتعثرن
آخ والسبعين الف شافوا خدرنه
ريت ومن امس كون لاصبح صبحنه
نسوان من الخيام طاحن واحنه طحنه
زينب . گومي وللخدر ياخدري ردي
زينب . اغله من عباس عندي
بس لا بيه اجيچ ولا اعوفه
ولا اگدر اشيله ولا اشوفه
رايح . رايح
~~~~~~~~~~~~~~~~~~~~
رايح . عباس ابونيتك ضاگ صدري
رايح . اول مره هاي انطيك ظهري
خويه وزين ظلت روح بيه
زين ولحگت زينب عليه
رايح . رايح
~~~~~~~~~~~~~~~~~~~~
من وره هذا السكوت . مادري بيا ساعه اموت
بيا وكت عباس هيچ ايصير بيه
كلشي يمي اعليه ناح . الخيل والدم والرماح
الضحكـوا اعليه بچـو هسه عليه
لاميت ولاظال لاكف مني نوحي
گاعد واحچي وياك بس ماهيه روحي
روحي . لوبيه صدگ چا ليش ياناس
روحي . كلما يشهگ إيطلعها عباس
طحنه اثنينه إعله الگاع ميتيـن
زينب تيهت ياهوه الحسيـن
رايح . رايح
~~~~~~~~~~~~~~~~~~~~
رايح . عباس ابونيتك ضاگ صدري
رايح . اول مره هاي انطيك ظهري
خويه وزين ظلت روح بيه
زين ولحگت زينب عليه
رايح . رايح
~~~~~~~~~~~~~~~~~~~~
خويه مادامك مشيت . وانه الحسين وبچيت
هانت الدنيه وبعد مابيها خوه
انه موش حسين ذاك . ردت اموتن من وراك
بس هذني الـ بالخيم كضني گوه
باچر كلنه نشتاگ وفراگك يذلنه
وبفراگك يعباس كون انموت كلنه
عالنوگ . عباس الحرم باچر يفوتن
بالسوگ . خاف ايطبن السوگ ويموتن
نسوان المخيم تون كلها
راح اتموت عباس اگعذ الها
رايح . رايح
~~~~~~~~~~~~~~~~~~~~
رايح . عباس ابونيتك ضاگ صدري
رايح . اول مره هاي انطيك ظهري
خويه وزين ظلت روح بيه
زين ولحگت زينب عليه
رايح . رايح
~~~~~~~~~~~~~~~~~~~~
لا تحيرني بجفاك مسلم الوائلي مكتوبه كامله
اجمل قصيده سمعتها بحياتي
ردحذفاي والله عمي
ردحذفيا حسين
ردحذفوالله تجنن هاي القصيده
ردحذف