كلمات درب العشك مكتوبة
الرادود محمد الجنامي
كلمات الشاعر كرار حسين الكربلائي
- هيئة وصال العاشقين | العراق - واسط
- شهر محرم :: 2023-1445
- ~~~~~~~~~
- قصيدة : درب العشك مكتوبة
- الرادود : محمد الجنامي
- كلمات : كرار حسين الكربلائي
- ~~~~~~~~~
- كتابة القصيدة : موقع صوت مكتوب
- تصوير : هيئة وصال العاشقين
- مونتاج : كاظم الموسوي
~~~~~
إكتب أسامينه يدرب العشك
بالعشره نبصم إلك ما نفترك
ابهذا الزمن دورنه كل البشر
ما شفنه غير حسين صاحب صدك
~~~~~
للناس معشوك عنوان للشوك
محبوب للروح بالخيل مسحوك
منو شايف منو سامع
ميت عايش بكل زمن
و اسهامه شافنه
صدرة بي مضيف الحسن
للضايع للخايف
صارت كربلاء الوطن
دك باب الحسين و يروح التعب
محد يقيم الذهب غير الذهب
دورنه صاحب ما يخون الملح
ما شفنه غير حسين صاحب صدك
~~~~~
المستهل
~~~~~
حبيت انسان ينقاس قرآن
عطشان لحسين و حسين عطشان
سالفته من احجيها
تبجيله السمه والنجم
عاهدته ما اعوفه
حسين انطيته كلمة زلم
للوادم ما اهتم
هوه الوحده عندي المهم
لو اعمه واندل بابه واوصل اله
رجليه كبلي اتروحله لكربله
انه و عيوني الما يشوفن بشر
ما شفنه غير حسين صاحب صدك
~~~~~
المستهل
~~~~~
حسيـــن حسيــــن
حسيــــــن حسيـــــن
حبــيــــبي
~~
خدام لثنين لحسين وحسين
ولجفوف عباس رايات ماشين
علوهن راياته
جف يوصي جف بالدرب
نوصله ونزوره
هاي الدنيه لو تنكلب
شافونه وعرفونه
يسهل يمنه كلشي صعب
هاي المواكب رزق من فاطمه
وبكيف الحسين الارض والسمه
بذاك الزمن كربله صاحت هله
ماشفنه غير حسين صاحب صدك
~~~~~
المستهل
~~~~~
ياناس هيهات عباس ما مات
بكل كاع تلكون لحسين خيمات
خيماته ماطاحت
ونشوف المواكب خيم
والزاير مايتعب
مادام الدرب بيه خدم
من يطلب يدلل
كلهه تكله صار ونعم
شيبه بخت متحزم ابموكبه
من حلكه حلوه ياهله ومرحبه
وينادي هاي الدنيه كلها جذب
ماشفنه غير حسين صاحب صدك
~~~~~
المستهل
~~~~~
شهرين وياك وللموت وياك
ايام وسنين مذبوح نلكاك
مو عَشره لا عِشره
حبك للبشر معجزه
ضل دائم للقائم
لا ماينكطع هالعزه
يازينب لو صحنه
حته الميت نفززه
باجر يجي المهدي ويموت الضلم
وانصاره اهل الدمعه واهل اللطم
ونكله يابن الحسن اي والحسن
ماشفنه غير حسين صاحب صدك
~~~~~
المستهل
