كلمات ساجيني حزنك مكتوبة
الرادود مسلم الوائلي
كلمات الشاعر حسن الترابي
- هيئة لواء زينب (ع) | العراق - البصرة
- محرم :: 2018-1440
- ~~~~~~~~~
- قصيدة : ساجيني حزنك وانصلب
- الرادود : مسلم الوائلي
- كلمات : حسن الترابي
- ~~~~~~~~~
- كتابة القصيدة : موقع صوت مكتوب
- تصوير : أعلام الهيئة
- مونتاج : محمد هيكسو
يساجيني حزنك وانصلب شفه اعله بيبان العطش
يرسملي طولك عالترب بحوافر الخيل انفرش
اشلون ابحصيره تنجمع ماكو اعله كد طولك نعش
هم لمو من الداستك لو ضاعن ابليل اهدعش
مابارحت حزنك يوم
ولا لاكت اعليه اهدوم
كل عمري خلص كربله
وغربة بنات امدللـه
حسيـــن يا ابا عبد الله
~~~~~
يحسين اجيتك محترك
مجمر دليلي من العشك
بعيوني شايل كربله
ومعزب بصدري السحك
حسيــن يا ابا عبد الله
~~~~~
كل خطوة تكضي من الدرب يتسامر بعيني الدمع
سولفلي عنك بالسحك راح بسنابكهم ضلع
بعيونك مكابر عطش يالمنذبح ذبحة شمع
من ثوبي وياك استحي عريان اشوفك منصرع
يحسين يا حزن الله
مسلوب ثوبك غفله
من ثوبك المسلوب امس
ويبدي الستر يابو الشمس
حسيـن يا ابا عبد الله
~~~~~
المستهل
~~~~~
وازه السمه من عالرمح راسك يبن حيدر صعد
ابشيبته توضه العرش ولقبلة اعيونك سجد
بس انته يحسين وجذب يشمخ نخل عالكاع ابد
من عينك الحد عينك ومامش وره عيونك بعد
راسك بالرماح ايبات
يسكي ابضواه النجمات
بس انته بعيوني العشك
والباقي غربة اعله الصدك
حسيــن يا ابا عبد الله
~~~~~
المستهل
~~~~~
من غربة اضنونك بدت كل المواسم والسفر
ليل وحزن يشرب حزن والغربة لجمات وسهر
اشما يمحل ابروحي العشك يزكيني من عندك مطر
واذكر عطش كلبك واحن والتم رذاذ اعله النحر
ماي اعله كلبك ياريت
اتبده كون اتمنيت
بلكي الله تبره من الضمه
وعيونك تلم السمه
حسيـــن يا ابا عبد الله
~~~~~
المستهل
~~~~~
يمتد علينه فيايك ونلتم حدر في العشك
بعيوني اعرف طولك مطشر حدر خيل السحك
ياخذني يحسين الهظم واهجر صحبتي واحترك
كلما شفت ماي السبيل اعله الدرب حيل اختنك
عطشان وبلايه فياي
عمت عيني وانه اشرب ماي
منومني بفياي الخيم
ومنوم بكلبك سهم
حسيــن يا ابا عبد الله
~~~~~
المستهل
~~~~~
