كلمات قصيدة يايمه شلون مكتوبة
الرادود مرتضى حرب
كلمات الشاعر مصطفى حرب
يايمه شلون يايمه شلون
لو رحت يالولد يايمه شلون
يايمه شلون يايمه شلون
لو رحت يالولد يايمه شلون
خاف يعيلون خاف يعيلون
لو طحت يالولد خاف يعيلون
~~~~~~~
ساهرت شكثر يبني
يبعد امك يغالي
يوميه احسب بطولك
ردت يكبر دلالي
تهيم بزفتك روحي
وعرس يترس خيالي
وابجي وتمسح بجفك
دمع عيني اليلالي
تاليهه عله كاع الطف
عفت تعب الليالي
اشوفك منذبح ضامي
ولاجان عله بالي
جانت عالبال جانت عالبال
زفتك والعرس جانت عالبال
موللجتال موللجتال
ركبتك يالترف مو للجتال
~~~~~~~
ياجاسم ردت جفك
تجيه لتالي عمري
حسبالي الكبر تاليهه
فكدك يحني ضهري
انه امك واشوفك تنذبح
جاشنهي صبري
تنزف وانه وي نزفك
يدر حنيه صدري
طيحة دمك وعمك
يطيح وياهه خدري
نحرك ينكطع وانه
الهوى يشح عله نحري
وامشي بلياك وامشي بلياك
علهزل للسبي وامشي بلياك
نفكد يمناك نفكد يمناك
للحمل لو هدل نفكد يمناك
~~~~~~~
تفكد نظرها الراح ابنها
ويكبر وي الفركه حزنها
تشتاقله ويبرد حظنها
انه الصبغت بدم العرس
جفهه وهدمهه
وانه الفكدت الوكت الكبر
ضنت يلمهه
وانه التحلم بزفه
وعرس جاسم حلمهه
كبرت ديرة احلامي
وخبر موتك هدمهه
صح هاشم زلم
بلمعركه الترفع علمهه
بس امك بدل دمك
تمنت تنطي دمهه
ياسهر الليل ياسهر الليل
والتعب والربه ياسهر الليل
مهدوم الحيل مهدوم الحيل
والعتب عالوكت مهدوم الحيل
~~~~~~~
يمه شما اصد لسكينه
اشوفن بيهه زفه
وجفوف الطفوف الحنتك
متروسه لهفه
لخيمنه شيردك ياضحك
مات عله شفه
عمك جاسه فكدك
يابو جدم الماتحفه
مهظوم الحسين وضل
يطك جفه اعله جفه
وانه امك يبعد امك
دمع عيني شينشفه
مهظوم حسين مهظوم حسين
والكمر منفجع مهظوم حسين
يهل دمع العين يهل دمع العين
والضهر منحني يهل دمع العين
~~~~~~~
الرايح ابنها شلون بيها
لو جلجل المغرب عليهه
وتذكر الكمطته باديها
كون ام الولد كبل الولد
يخلص عمرهه
حتى يظل صبح وجهه
ضوه الضلمة كبرهه
ويدليهه الدرب بيده
اذا وشل نظرهه
ليش امك يوالي
تشوفك مكطع حدرهه
الرادتك تجفنهه
وتنزلهه بكبرهه
مذهوله بقت دم
ركبتك كاسر ضهرهه
رايدتك عون رايدتك عون
لوعمن ياضوه رايدتك عون
غربه اليحدون غربه اليحدون
بلضعن للاسف غربه اليحدون
~~~~~~~
احلة قصيدة اللة بيساعد الفاكدة ولد
ردحذف