كلمات قصيدة عمر الجرح مكتوبة
الرادود مرتضى حرب
كلمات الشاعر حيدر شايع
- هيئة الحسن المجتبى (عليه السلام) العراق - الديوانية
- الليالي الفاطمية :: 2020-1442
- ~~~~~~~~~
- قصيدة : عمر الجرح
- الرادود : مرتضى حرب
- كلمات : حيدر شايع
- ~~~~~~~~~
- كتابة القصيدة : موقع صوت مكتوب
- تصوير : الجود ميديا الانتاج الحسيني
- م . صوت : سجاد الهيفي
- مونتاج وتلوين : سجاد عباس العكيلي
عمر الجرح .. مابي وكت .. ما دامه مفتوح
وانه احب .. واحد شهم .. عالغيرة مذبوح
طول العمر .. اتوسله .. يخليني مجروح
خادم اله وابجيله
ومن انهضم احجيلة
لوخذت كلبي الدنية
اركض اصيح ادخيلة
كل حلم .. عندي اعيش بجاله
شفتهم .. بس اعرف ابجي لحاله
انهضم .. والطم اله ولعياله
~~~~~~
حسين حسين
حسين حسين
~~~~~~
كلمن بجه .. وكلمن سهر .. وكل اليحبون
يهل العشك .. ارد فتهم .. بيمن تسهرون
انه اسهرت .. وي الدمع .. لمصاب الضعون
محبوبي وافر خيرة
مغبون اليحب غيرة
كاسرني جرحة وضيمة
كسرة جناح الطيرة
ينفتح .. لدموعي بابه وكلبه
انذبح .. حتى اكدر ادخل حبه
والجرح .. خلاني اعيش الغربه
~~~~~~
حسين حسين
حسين حسين
~~~~~~
كل مشكلة .. حله سهل .. بس الجرح لا
بلايه هدم .. جرح العمر .. ياهوه غطا
فوك السحك .. كلي هلا .. وعيشني ويا
مشكلتي صارت ونتي
وماريد احل مشكلتي
ارد ابجي واطلب منه
بدمعاتي اخلص وكتي
مشكله .. من ما انوح لضيمه
كربلا .. حركت كلوب وخيمه
عايله .. طلعت ركض بالهيمه
~~~~~~
حسين حسين
حسين حسين
~~~~~~
كالو وكع .. من المهر .. بس بعده ما مات
هجمو عليه .. خيل وزلم .. وبكلبه جويات
وحده بقى .. وخيل السحك .. جانن ثجيلات
ماكو اليغمض عيونه
عطشان ويذبحونه
ياجرحي حيل الجمني
محبوبي جرحه اضعونه
عالصدر .. كالو شمرهم كاعد
والخدر .. بالصحره كالو شارد
انعذر .. من ابجي بجية فاكد
~~~~~~
حسين حسين
حسين حسين
~~~~~~
كلمات قصيدة يا زهرة الروح مكتوبة
الرادود مرتضى حرب
كلمات الشاعر حيدر شايع
يازهرة الروح . عفتيني مجروح
عفتيني مجروح
يافطمة وعيونج . ظلمة الحياة ابدونج
عفتيني مجروح
~~~~~
انه علي يافطمة لعيونج اشتاك
ايامنه توه حلت مو وكته لفراك
عفتيني ليل بلا ضوه بيه النفس ضاك
شيطيب اجروحج بعد وجروحج اغماك
بضلوعج اصواب . من دفعة الباب
اه وتغير لونج . ظلمة الحياة بدونج
عفتيني مجروح . عفتيني مجروح
~~~~~
المستهل
~~~~~
يالجنتي وردة امفتحه ما ذبلت يوم
ارتاح بس بشوفتج تجليلي الهموم
لمن رحل طه النبي اتعنولج الكوم
عصروج والمحسن وكع يتسايل ادموم
اصبر توصيت . لو بيدي رديت
وشحدهم يظلمونج . ظلمة الحياة ابونج
عفتيني مجروح . عفتيني مجروح
~~~~~
المستهل
~~~~~
لوما الوصية امن النبي ما دفعو الباب
ماجان ضلعج ينكسر هيهات ينصاب
وصاني اصبر وصبرت للسكته اسباب
يافاطمة لحيدر بعد ماظلت احباب
ياشمعة البيت . مثلج تأذيت
موبيدي ويجرحونج . ظلمة الحياة بدونج
عفتيني مجروح . عفتيني مجروح
~~~~~
المستهل
~~~~~
كربت منيتج ونتهت عشرتنه شبساع
غسلتج ابيدي وشفت مكسورة الاضلاع
بعيوني ضاكت دنيتي كل العمر ضاع
مرن مثل لمح البصر لحظات الوداع
عمر الورد ليش . مايكدر يعيش
باقي الاثر بجفونج . ظلمة الحياة بدونج
عفتيني مجروح . عفتيني مجروح
~~~~~
المستهل
~~~~~
يافطمة حسين و حسن يمج يونون
طاحو عليج بلا وعي يالزهرة يبجون
ودعيهم وفتحي الجفن عن لايموتون
حسين وحسن ماتو قهر جا زينب شلون
يم راسج اتنوح . تشكيلج اجروح
اولادج ايودعونج . ظلمة الحياة ابدونج
عفتيني مجروح . عفتيني مجروح
~~~~~
المستهل
~~~~~
خليتج ابوسط النعش ودموعي تجري
شلت النعش لكن احس مكسور ظهري
جسمج نحل مثل الغصن يالزهرة ادري
ظهري انكسر من فركتج يابعد عمري
لكبرتج تعنيت . واريتج وجيت
والشيعة ماينسونج . ظلمة الحياة بدونج
عفتيني مجروح . عفتيني مجروح
~~~~~
المستهل
~~~~~
كلمات قصيدة شفت النوايا تغيرت مكتوبة
الرادود مرتضى حرب
كلمات الشاعر حسن البركي
شفت النوايا تغيرت مو الاولية
كلت الضلع لأجل الهدف ارخص ضحية
لاسعهم شرارج . من حركوها دارج
مو الاولية . مو الاولية
~~~~~
انتي اول مره تثور اعله صلطان
بوكت بالاسكت مخيطين الحلوك
ناخذ حكنه قصدج وين ما جان
مو قصدج الج تردين الحكوك
من يتغطة بالماي . مايتفرزن الصوت
وادم عايشة هواي . بس من قلة الموت
تنورج اليلهث خبز كل مغربية
هسه هفت وانتي بطرك نار القضيه
ضنو تفطة نارج . من حركوها دارج
مو الاولية . مو الاولية
~~~~~
المستهل
~~~~~
مو من الضلع جنتي انتي تبجين
الهم الينكتب يتحول دموع
وتنهار الارض لو لا البراكين
وتاريخج ارض بركانه الاضلوع
يالموطنته وايريد . ضلعج كسرته تصير
مثل ماتنكسر بيد . حيدر خبزة شعير
همج كبل نوم المذله الوادم تكوم
والبي خدر لازم يفز بشوية دموم
ماهزو قرارج . من حركوها دراج
مو الاولية . مو الاولية
~~~~~
المستهل
~~~~~
لأن وداج ربج بس تفيدين
هل عمرج كضه و ما مستفاده
انتم يم حسن وادم بعيدين
بس كلش اكراب اعله الشهاده
هزيتيها الأعماق . خاطر يطلع اللب
يالكشفتي الأوراق . طبعا دارج اتشب
تدرينه مايتقيد الماعنده ذمه
وانتي المهم عندج تأدين المهمه
قمة انتصارج . من حركوها دارج
مو الاولية . مو الاولية
~~~~~
المستهل
~~~~~
المسؤلية تجوي العنده ناموس
وبلايه وسيله الغاية تغرك
صرتي لحيدر الكرار فانوس
وفدك كنطرة حك اتعبره للحك
مو معناه ماجاب . تخطيطج نتيجه
محيطج يكره الحاب . يرفع عنه ضيجه
وانصابو ابداء النخوع الماله جاره
حته بحقوق الجار ماحسبوج جاره
ما جن يدري جارج . من حركوها دارج
مو الاولية . مو الاولية
~~~~~
المستهل
~~~~~
ديدن كل عظيم يموت ويعيش
يكصر عمره بس يطول عمره
المحسن ماوصل عمر الفراشات
وتتمنى الخلك توصل لكدره
يم اثمنطعش عام . هذه الخفتي منه
خفتي اتظل الايتام . جوعانة محنه
رادت تسويها على اعدائج قيامه
ما جنه لا حوله ولا قوه اليتامه
صاحت النه ثارج . من حركوها دارج
مو الاولية . مو الاولية
