قصيدة ورى الغياب مكتوبه
الرادود حيدر الفريجي
كلمات الشاعر أبو معصومة الفريجي
( ورى الغياب ادك ياباب )
ورى الغياب .. ادك ياباب
على الحيطان منتظرة
واصيحن كون .. هلي يردون
وجر حسرة بأثر حسرة
لو رد حسين يغير حالي
ويصير النوح بعد مومالي
وركض للباب وكوم ابحيلي
و للملكه يصير واشمن عطرة
~~~~~~~~~~~
حسين يابويه حسين يابويه
حسين يابويه حسين يابويه
~~~~~~~~~~~
أسولف سالفة تموت
وسمع الناس سالفتي
يموت الراد يسمعني
ابد ما تنحمل ونتي
جنت بخير لمن جان
ابوي وكل اهل بيتي
لو ضاك النفس لحسين
اعاين تنفتح ريتي
عليله وجان ابوي ادواي
وشوفت امي عافيتي
نووا عل شيل وانه انويت
من هسه اقرأة تعزيتي
نووا يمشون .. ويخلون
كلبي يعالج بضيمه
كلب مجروح .. اذا ماروح
اصيرن باجر ايتيمه
ويموت الحيل اذا خلوني
وطيوف ال اه تناغي ضنوني
من هسه الحيل تطشر بيه
عمري بلياه يخلص حسره
~~~~~~~~~~~
حسين يابويه حسين يابويه
حسين يابويه حسين يابويه
~~~~~~~~~~~
متت من كلي ابوي حسين
ما تمشين ويانه
جاب النوك يم الباب
وكلمن كله بمجانه
اكبالي يكلهن انتي اهنا
وزينب تصعد اهنانه
ومن صعدهن اعله النوك
صحت يابوية جا و انه
ورى الماشين .. عطش اسنين
تبا هل الهجر بيه
عشك مذبوح .. احس بالروح
ما منهم بعد جيه
اول خطوة صحت مشتاكة
وجفني المذبوح تسيل اشواكة
روح الله وياك يبعد اعيوني
وانه الله يعين دليلي بصبرة
~~~~~~~~~~~
حسين يابويه حسين يابويه
حسين يابويه حسين يابويه
~~~~~~~~~~~
مشوا كمت التراب العاج
من اضعوني اشمنه
عطر بيه فركت الماشين
وكون ابريتي احبسنه
شما يبعد ضعنكم كام
يم الموت يدنه
بيه ناس السلف يحسين
بس مهجور اشوفنه
عشك دنياي .. اشوفك جاي
هاي امنيتي ليلليه
نذر للبيت .. اذا رديت
اطلع كل حزن بيه
من صار اوداع ضعت بعيونك
يحسين اشلون اضل من دونك
ياريت الموت يجي وياخذني
الموت يهون ولا منتضره
~~~~~~~~~~~
حسين يابويه حسين يابويه
حسين يابويه حسين يابويه
~~~~~~~~~~~
يطلع كلبي من يشتاك
يتلكه الهوه يشبكه
هلبت بيه عطر لحسين
جايبلي الوسن ملكه
الفاكد من يذب حسارات
بأنفاسه الهوه يحركه
اليريد الموت سهله هواي
خلي يجرب الفركه
اذا اشتاك .. اموت افراك
واتعذب على اغيابك
اناطر اّه .. بلف وياه
احن من الجرح بابك
اكعد بليل اشم بهدومك
ياكون وياك واشيل اهمومك
وانطيك عيون خذاهن شوكك
وكلبي المكسور تعال الجبره
~~~~~~~~~~~
حسين يابويه حسين يابويه
حسين يابويه حسين يابويه
~~~~~~~~~~~