قصيدة سيد الامنيات مكتوبه
الرادود حيدر الفريجي
كلمات الشاعر كريم الدراجي
رايح وشوفنك حياة بويه
فاكد تموت الذكريات بويه
خليلي وحده من البنات بويه
وينك يسيد الامنيات بويه
هيه المصيبه ابروحي العشكتك
صورة اعله حايط كلما شافتك
جيب اليهود ونهه ابغيبتك
حسين حسين
~~~~~~~
راسمتك
ضعن بيه فركه ابحلات الملكه
جرح تانيتك
كل صورة
تسولف باجر صباح العاشر
خنك عافيتك
يالكاشخ
عطش برسومك سواد اهدومك
ذبح خاجيتك
يالماخذ
عشيرة هاشم وعرس القاسم
حلاته ابيتك
ضعني الاحبه ابسرعه شال بويه
ماخذ عشرتي والدلال بويه
صوتي اختنك كد التعال بويه
وانه المرض شادهلي بال بويه
مرهم جروح العله ابرجعتك
صورة اعله حايط كلما شافتك
جيب اليهود ونهه ابغيبتك
وينك يسيد الامنيات بويه
حسين حسين
~~~~~
امنيتي
اصيرن رايه ابضعن مشايه
تماشي اضعونك
وكل ليله
اليمر بخيامك اعصر اجدامك
وكول اشلونك
وثاني
نيات الطفله تشوف الدله
اعله ضهر امتونك
وحجيلك
سوالف فطره يليل الكمره
غفه اعله اعيونك
قصه حياتي بلاختام بويه
يا رسول الحب ولسلام بويه
رؤيه اتمريلي اشما انام بويه
صرخه عطش من الخيام بويه
بيض وسمر يحسين اتعنتك
صورة اعله حايط كلما شافتك
جيب اليهود ونهه ابغيبتك
وينك يسيد الامنيات بويه
حسين حسين
~~~~~
بعيوني
لكيتك ساكن وشوفك صافن
على الترجية
يا حزني
وحضن آهاتي شفت شيباتي
هذني شوية
وتحجيلي
سوالف خيمة وضعن بالهيمة
يون ليلية
جم اخن
نسمع من عدهن وبعد بكدهن
جروح البيه
هاك الكلب وبنصه فوت بويه
غار وحمامة وعنكبوت بويه
واني بجروحي راح اموت بويه
ازغر جرح يبلعله حوت بويه
وتلجم جروحي سوالف خيمتك
صورة اعله حايط كلما شافتك
جيب اليهود ونهه ابغيبتك
وينك يسيد الامنيات بويه
حسين حسين
~~~~~
يادنيا
التعيش بخيرك تدوم الغيرك
كسرت خاطر
جا شنهي
العطش ويلوحك قرو بجروحك
سوالف باجر
كل روح
التفارك خلها تموت احسلها
اعله صيت الحافر
كل طفلة
بحضن تقرالي حضنك خالي
بصباح العاشر
وانه اهنا اقره النايبات بويه
ظهره انكسر يم الفرات بويه
امغرب ضعن الفاطميات بويه
منا طلع و هنانة بات بويه
وتماشي خيل البلطف سحكتك
صورة اعله حايط كلما شافتك
جيب اليهود ونهه ابغيبتك
وينك يسيد الامنيات بويه
حسين حسين
~~~~~
لي حقق
اماني الوادم يحقق لازم
حلم لزغيرة
يا طفلة
الابو يحرمها ترافك امها
وتعيش الحيرة
ياواهس
دمعتي ونوحي تشيل جروحي
جفوف الغيرة
كاسرلك
كلب بدوية اوهم علوية
يشيخ الديرة
ام البنين وعدها راي بويه
خلي بالج يمي وتعاي بويه
باجر ابوج ابلا فياي بويه
انسبل خلي بثوابة ماي بويه
دمعة بجفنها تسولف قصتك
صورة اعله حايط كلما شافتك
جيب اليهود ونهه ابغيبتك
وينك يسيد الامنيات بويه
حسين حسين
~~~~~
