كلمات قصيدة خلو نايم مكتوبة كتابة
الرادود حيدر الفريجي
كلمات الشاعر كريم الدراجي
- المكان هيئة لواء زينب (ع) مخيم سيد الشهداء (ع)
- محرم الحرام :: 2021-1443
- ~~~~~~~~~
- قصيدة : خلو نايم
- الرادود : حيدر الفريجي
- كلمات : كريم الدراجي
- الذاكر : علي جواد
- ~~~~~~~~~
- كتابة القصيدة : موقع صوت مكتوب
- تصوير : أعلام اللواء
- مونتاج وتلوين : نورس الطيب
- م . صوت : محمود العبودي
- تصميم : وهم
خلو نايم
عبد الله نام امن العطش ما مذبوح
و لعدها بس هذا الولد وين تروح
عذاب خله حضن الرباب
عذاب التعب حصة التراب
~~~~~~~
من امس شفت اتغير كل تفاصيله
ابني جان ينام اول ما الوليلة
باجر اتموت المحنه طولي ياليله
منل عطش يا بس اشوفة شما اناغيلة
خلو نايم لحد يحچي
خاف يفز عطشان ويبجي . خلو نايم
خلو نايم بلچي يهود
منانة لحد ما عمه يرد . خلو نايم
عبد الله من حصة الخيم مو للخيل
يابس مثل عگدة حبل مابي حيل
ينام ويصحة اعله المصاب
عذاب خله حضن الرباب
~~~~~~~
كلشي بره الخيمة ميت لا تطلعونه
شنهو كلبه الماخذ ابنه لليذبحونه
عينة عالجربة واشوفن غيرة لونه
استوه نام بعينه دمعة ما تشوفونه
خلو نايم هسه بحضني
خاف الخيل اتعور ابني . خلو نايم
خلو نايم وامه تشبگة
باجر خاف الخيمة تحركه . خلو نايم
كلولي ياهو بكربله يبوگ رباي
مدري الرمح مدري السهم مدري الماي
سؤال ضل ابلا جواب
عذاب خله حضن الرباب
~~~~~~~
اخذه للماي و على الله سالم يردونه
هوه لو عباس باقي هم يعطشونه
شما ينام تفز جروحة اتحرك امتونه
يا عطش هذا اليسوي هيج بعيونه
فز عبد الله من حضن اخته
شنهي الماي يفطر شفته . فز عبد الله
فز وچنة يكلي شوية
عطشان ورايدلي اميه . فز عبد الله
يحسين من يعطش طفل حيلة يموت
صايرلة كاروك الخشب كا التابوت
مات سد بگلبي باب
عذاب خله حضن الرباب
~~~~~~~
جنها اخر نومه هايه تهود جروحه
خل اكولن ابني باجر الماي مذبوحة
ان جان يسلم بالمعارة ويرجع بروحه
حتمن ابنار المخيم باجر اتلوحه
خلو نايم بس يانومه
خاف الكاع تخرب ارسومة . خلو نايم
خلو نايم صار افراگه
احسن من ما فوك الناكة . خلو نايم
عبد الله باجر ينذبح ياستار
واليسلم امن المعركة تحركه النار
وشوف اشد منهل صعاب
عذاب خله حضن الرباب
~~~~~~~
ارد انشدك حضني يمه هم تمل منه
نايم ورمح اليشيلك مابي محنه
باجر ابني امن الحوافر وين اضمنه
حسين باجر لو تبدى شلون المنه
حيرة باجر بين الصايح
الخيل اتدوس بكل طايح . حيرة باجر
حيرة باجر اطلع بره
ياهو البيكم سالم صدرة . حيرة باجر
باجر الحي لو ينذبح لو محروك
هنيال مات وما صعد ضهر النوك
واشوف كلبي و راسي شاب
عذاب خله حضن الرباب
~~~~~~~
كلمات قصيدة بعالم الرؤيا مكتوبة كتابة
كلمات الشاعر كريم الدراجي
حسين بوية البارحة قبل الصلاة
بعالم الرؤيا شفت عبد الله مات
خل اسولفلك بعد
والد يموت او ولد
بعالم الرؤيا شفت عبد الله مات
~~~~~~~
العليلة كامت وما بيها حيل
من بعد ما صلت وبان النهار
بالحلم شافت خيم بس يمها خيل
وحرمة محنية ومهد لايحته نار
حسين بوية وداعتك
شفت باگو صايتك
شفت بيدك بوية وردة ودايرة عليها السهام
مات كلشي ابالكم
والعطش جتالكم
شفت جن عبد الله شايب وانته شايب والخيام
كون اموت ولاشفت ذاك المنام
ولا اشوف بخيمة محروك الحمام
چنها مو رؤيا صدگ
خيل و خيام و حرگ
وبيدي بوية گمت اطفي بالبنات
بعالم الرؤيا شفت عبد الله مات
~~~~~~~
حسين اخذني وياك لو رايد تشيل
حلم بوية البارحة تارسني خوف
لا تأمن بالخيم لتخاوي نار
ولا تأمن الخيل صدرك بالطفوف
شفت چن صيوانكم
يطرد ابنسوانكم
بعالم الرؤيا و اشوفن يحترگ صيت العفاف
ابالي ضلت سالفة
شفت بس ما شايفة
راس فوگ الرمح مدري رمح فوگ الراس طاف
حسين والخيمة اضن محتاجة ماي
وخل اگلك باچر اتعوز فياي
لا طفل ضل لا مره
وياكم اخذوني ترى
بعد حضنك وين اضل او وين ابات
بعالم الرؤيا شفت عبد الله مات
~~~~~~~
باجر الطف ما يخليلك رضيع
ولا يخليلك اخو و لامن خليل
الخيل باجر ما تميز الي يطيح
ازغير اخوي وتدري بالحافر ثگيل
الخيل لمن صالت
تدري بوية شگالت
كون نسحگ كلشي طايح حتى لو طايح طفل
شفت رووس انباعت
والتراچي انباگت
وخل اگلك شفت عمتي تميل وي ميل الهزل
حسين بوية لخاطري ضل لاتروح
كربلة ما بيها بس ضيم و جروح
بالمرض جسمي خوه
وانته يحسين الدوه
و للعليلة انته شريان الحياة
بعالم الرؤيا شفت عبد الله مات
~~~~~~~
رايح انته وانه اضل ابلا حنان
وعيد الاضحى باچر يمر ويفوت
عيد المبارك عليكم يا حسين
وعيد المفارگ عليه راح اموت
وتضل بس همومكم
وذكريات ارسومكم
روح بوية وشرد اكلك حلم خير البارحة
الما لزم بجفوفها
حسين نيته يعوفها
ليش قابل چا غريبة حتى اضل ما رايحة
ينسى بنته حسين لا هذي مُحال
عود اني انحسب بزّر الدلال
چنها صارت ونعفت
گلت اموت وما متت
اتموت راح الباقيات الصالحات
بعالم الرؤيا شفت عبد الله مات
~~~~~~~
عوف حلم البارحة بوية بگفاك
وعوف الموادع ترى عمره گصير
لو اروح وياك لو تدعيلي اموت
كلها راحت هاشم ازغير و چبير
ترضى گلبي ينكسر
اني مو مالت هجر
خاف كلشي يصير باچر لا تروح الكربلة
لو رحت عني ومشيت
گول يحسين انتهيت
ماتت السجادة بيدي و الحمد و البسملة
مو عزيز اموادعة لمنطيه گفاك
وما گلت ياهو هذاك الضل وراك
ليش ما عاينت إلة
هذا طول مدللة
تركض وطاحت وراكم يا أُباة
بعالم الرؤيا شفت عبد الله مات
~~~~~~~
كلمات قصيدة ندخلها سوه مكتوبة اكتابة
كلمات الشاعر كريم الدراجي
شجاعيةالعباس والقاسم
عليهم السلام بلسان حال العباس
~~~~~~
هل شجاعة امنين الي بيها عرف
ابن اخوي وانا اعرفنه كلف
حيلي بالقاسم گوه ،، حضري زلمج نينوى
راح انا وياه ندخلها سوه
~~~~~~
خلي تصطف كل كتائب كربلاء
جدم المهره وصعدها آمر لواء
طبها عباس وكشف عنها الغطاء
اليوم تمطر روس اخليها السماء
خل تصف سبعين الف
لو تدگ جتف بچتف
اله نوصل بيكم الوادي طوى
حيلي بالقاسم گوه .. حضري زلمج نينوى
راح انا وياه ندخلها سوه
~~~~~~
لتفت لن شاف ابن اخوه واگف وره
عنده واهس عرس والحومة مره
فوت عمي گله لا عمي ترى
اني تلميذك يسبع الگنطرة
الحومة طب معروسها
هلهلتله ابروسها
دبچ حافر مهرته وضاگ الهوى
حيلي بالقاسم كوه
~~~~~~
فوت عمي وانا خليني وراك
حتى أبشر حسين لو الزم گفاك
انتي عالي وماكو واحد في علاك
الماي مايك والهوى عمي هواك
فوت بيها بزودك
انا من اجنودك
ابتشر عباس هز بيده اللوه
حيلي بالقاسم كوه
~~~~~~
صوت صاح امن الخيم ها خوتي هوه
هذا عباس المراجل تعرفوه
حگه لو شد حيل ضهرة بابن اخوه
هوه غير ابن الحسن چا ياهو ابوه
وزينب امربيته
صيت حيدر صيته
من علي ماخذ صفات القل هوه
حيلي بالقاسم كوه
~~~~~~
راح ازفك بيدي والحومة عروس
سيفي يعلگلك شمع لا عمي روس
اليوم بالطف راح اعلمهم دروس
حتى ما صارت يقاسم بالبسوس
گوم وكشخ بيها
الصعبة الي خليها
كاشخ بوجه الشمس لابس ضوه
حيلي بالقاسم كوه
~~~~~~
هذا شبل الحسن صاحو ياهلا
امدلل ابن امدلل ابن امدللة
السيف بيده ايلوگ موش الحنه اله
ويه طولة انصبله خيمه بكربله
الخيمة اله متچاية
بطول هاي الراية
ناشفة ارياگ الخيم رادة روى
حيلي بالقاسم گوه
حضري زلمج نينوى
راح انا وياه ندخلها سوه
~~~~~~
