كلمات نذرت الماي مكتوبة
الرادود مسلم الوائلي
كلمات الشاعر حسن الترابي
- عزاء انصار السيدة رقية (ع) | العراق - بغداد - مدينة الصدر
- محرم الحرام :: 2021-1443
- ~~~~~~~~~
- قصيدة : نذرت الماي
- الرادود : مسلم الوائلي
- كلمات : حسن الترابي
- ~~~~~~~~~
- كتابة القصيدة : موقع صوت مكتوب
- تصوير : أعلام الهيئة
- م . صوت : كرار الموالي
- مونتاج : مصطفى الحميداوي
~~~~~
تعبت هواي شغلت ضنوني بضنونك تعبت هواي
نذرت الماي ثواب لشوفة عيونك نذرت الماي
تانيتك بجروحي كل ظني تلم روحي
نذرت الماي
~~~~~
انتضر واسأل روحي واتأمل
اسأل حسين اعله جيه
امسح ادلاله وكلبي يبراله
ويغفه من تعبه عله ايديه
هسه جم خطوه ويبين بالضعن جاي
بماي وجهي ارد اركض اتلكاه بالماي
عطرت ثوبه ومضيفه وشفت الدلال انجفن
رفن عيوني وبجيت وماعرفت المن بجن
برد ملكاي خفت من كلبي من دونك
نذرت الماي ثـواب لشوفـة عيونـك نـذرت المـاي
~~~~~
تعبت هواي شغلت ضنوني بضنونك تعبت هواي
نذرت الماي ثواب لشوفة عيونك نذرت الماي
تانيتك بجروحي كل ضني تلم روحي
نذرت الماي
~~~~~
عيوني مصلوبه شتله بدروبه
تعبتني الغاضريه
اشكي من حبي اتوازن بكلبي
عازتك والمغربيه
كلبي تعبني برفيفه وحيلي مو حيل
من الصبح ذبلانه روحي شلون بليل
مدري شنهي بروحي ينزف يلجم بكلبي جرح
شما اعلك ثيابيه يمي بركبته ايبين ذبح
احير بهاي واشد حلمي عله جفونك
نـذرت المـاي ثواب لشـوفـة عيونك نذرت الـماي
~~~~~
المستهل
~~~~~
ترسم اضنوني حلمه بعيوني
طايح وخيل اعله صدره
وحده والغربه عوروا كلبه
اتحشمت كله اعله نحره
بلكي الله حلمي صدفه والصدك غير
حسين ماذبوح اشوفه ويرجع بخير
يرجع وبالراية فوكه كاسر فيايه الكمر
يوم الي ويكلي يمه واركض اشتم النحر
اشوفك جاي وكحل اسنيني بلونك
نذرت الـماي ثـواب لشوفة عيونـك نـذرت الماي
~~~~~
المستهل
~~~~~
اعكد الشيلة وكلبي يدعيله
سالم يرد من غيابه
احلامي مو حلوة كله دم خوه
والعليلة تكلي بابا
مايرد يايمه جنه وكلبي مجروح
هواي بحلامي اعتذرلي وشفته مذبوح
اسم الله كلتلها اعله نحره شجابه يم ابني الذبح
وكون مذبوح وتبده منين كل هذه الصبح
عثر ممشاي خفت من اليسحكونك
نـذرت الماي ثـواب لشوفة عـيونك نذرت الماي
~~~~~
المستهل
~~~~~
ياكبر خوفي ترجع اجفوفي
حسين ضل بلايه ناصر
نحره لاجمني وصدره يوجعني
كربله رماح وحوافر
كلشي طمعان بحلالي شلون بيه
وموش للخيل وسحكها حسين اليه
كون يمه وفوكه اطيح واشهك بدم واختنك
يسلم من الخيل هو وانه اموت من السحك
اكله بهاي يذبحوني اليذبحونك
نذرت الماي ثواب لشـوفة عيونك نذرت المـاي
~~~~~
المستهل
~~~~~
كلش حلو وعلي ستمر بل نشر يلعزيز أنتة 😭😭😭😭😭😭😭😭😭💔💔💔 💔💔💔💔💔💔
ردحذف