كلمات سفره الى الله مكتوبة
الرادود حيدر البياتي
كلمات مصطفى العيساوي
- هيئة وصال العاشقين - العراق - واسط - المضيف المهدوي
- محرم الحرام :: 2022-1444
- ~~~~~~~~~
- قصيدة : سفرة الى الله
- الرادود : حيدر البياتي
- كلمات : مصطفى العيساوي
- ~~~~~~~~~
- كتابة القصيدة : موقع صوت مكتوب
- تصوير : اعلام الهيئة
- م . صوت : حسن يونس
- مونتاج وتلوين : كاظم الموسوي
الى الله سفره الى الله
حسيناه بدمنه حسيناه
مشيناه دربك مشيناه
الى الله الى الله
القارات السبعة ضجت
والكربلاء حسين حجت
الى الله الى الله
~~~~~
شراع السفينه يمشي بينه
الكربله رااح
اعله باب المدينه سر لكينه
ملتقى اروااح
سألنه الكره الارضيه
منو اهل العزوبيه
الزياره الاربعنيه
تكول الشاهد
عراق حسين مد سفره
من الموصل الى البصره
لحد ماتوصل الحضره
عراقك واحد
الحسيــن جننه الحسين
عناويــن حبنه عناوين
مجانيــن اعقل مجانين
بالحسين بالحسين
نار الكرم للضيف وجت
والكربلاء حسين حجت
الى الله الى الله
~~~~~
المستهل
~~~~~
علمنه بدينه ومن بدينه
نعرف منيــن
يموسم عشكنه بي حصدنه
خير الحسيــن
زرعنه بكل شبر رايه
حصدنه اجيال مشايه
قليله كلمة هوايه
قليله هواي
الحسبنه تتعب اعيونه
مطر مو بشر شافونه
عجيبه شلون حسبونه
مطر مشايه
شيحسبـون خلهم يحسبون
يزيـدون ربعك يزيدون
يتعبـون والله يتعبون
شيحسبون شيحسبون
ريح العشك بالكون عجت
والكربلاء حسين حجت
الى الله الى الله
~~~~~
المستهل
~~~~~
نشوف المواكب عده واجب
تخدم الجااي
يكلوله فدوه اهديلنه خطوه
وانت مشااي
ابو الموكب دعه هواي
يرب ارزقني مشايه
يكض بالشايل الرايه
يبوسه بجدمه
العجائب سبعه ندريها
خدمتك زادت اعليها
السبعه اتعجبت بيها
عجيبه الخدمه
اليخدمـون كشخه اليخدمون
ينادون حيهم ينادون
يسهرون لجلك يسهرون
اليخدمون اليخدمون
هاي الخدم جم عين بجت
والكربلاء حسين حجت
الى الله الى الله
~~~~~
المستهل
~~~~~
اجت كل هويه صابئيــه
والمسيحيــــن
تشوف الطوائف بالمواقف
تعشك حسيــن
تره الازديه والسنه
مشي لحسين تتعنه
تشوف ابكربله الجنه
يسيد الجنه
يالمجنن بني ادم
حسين موحد العالم
جف للذله ماسالم
الك نتعنه
ديانات تزورك ديانات
كرامات شافت كرامات
رسالات ابدمك رسالات
ديانات ديانات
جم طائفه ابحبك احتجت
والكربلاء حسين حجت
الى الله الى الله
~~~~~
المستهل
~~~~~
وبيوم اربعينك جف يمينك
ينطي للنااس
البيرغ يعكده العنده شده
عنده عبااس
المريض ابابه يتعافه
والاعمه يشوف اذا شافه
كمر حيرنه باوصافه
دخيل ابو فاضل
اليحلفه بعمت الساده
مباشر ياخذ امراده
تره بروحه الكرم عاده
نعم يالكافل
اجيناك نبجي اجيناك
نخيناك نخدم نخيناك
عرفناك خيمه عرفناك
بجيناك بجيناك
السابع سمه صيحتنه رجت
والكربلاء حسين حجت
الى الله الى الله
