كلمات قصيدة خلو علي دفاني مكتوبة
الرادود مسلم الوائلي
كلمات الشاعر عباس السعيدي
- حسينية داوود العاشور | العراق - البصرة - أبي الخصيب
- جمادى الأولى :: 2022-1444
- ~~~~~~~~~
- قصيدة : خلوا علي دفاني
- الرادود : مسلم الوائلي
- كلمات : عباس السعيدي
- ~~~~~~~~~
- كتابة القصيدة : موقع صوت مكتوب
- تصوير : اعلام حسينية داوود العاشور
- م . صوت : حسن يونس
- مونتاج وتلوين : محمد الجليباوي
~~~~~
الليله اخر ليله
يطفة الكمر وسهيله
فاتحتي باجر تبدي
كل واحد يشد حيله
اموت ابين اديكم سلام الله عليكم
الليله اخر ليله
~~~~~
يبنادم اصعب شي تره ويخلي فكرك سارح
من يكعد اكبالك محب وتعرفه باجر رايح
ماتكدر اتسويله شي وتشوفه بالدم سابح
ولا بيدك تعطل الوكت لا دوه وبيدك طايح
الكابل عزيزة امكابل احباب
شي قنعه باجر جوه التراب
وتعطلوا حيل اليشيعون
جي واكف الهم وكفه بالباب
لمتهم بليلتهه وجان الوحي بدمعتهه
كاللهم الله يعينه اليتكفل اجنازتهه
جزه الشاطي بجيكم سلام الله عليكم
الليله اخر ليله
~~~~~
المستهل
~~~~~
نزلوني بهداي الكبر مابيه حيل احزاني
واضلوعي عن لا تلجم خلوا علي دفاني
يازينب اتكوي بعلي وحسين خله يتاني
باجر وراكم كربله لحد يتعب الثاني
كابلهه الاحسين وحضنهه
ويريد يشبع شوف منهه
والموت مايتدنه ليهه
الا الاحسين يكوم عنهه
هذه اليجلب بيهه وذاك اليحب رجليهه
يوكف كلب واحدهم شما نزلت اديها
تكول اسمع حجيكم سلام الله عليكم
الليله اخر ليله
~~~~~
المستهل
~~~~~
لو غمضت وعيني وطفت مو ميته يمكن سهله
بس انه من كد الضرب حسبالكم مو عدله
لو شفتوا دم اسود نزل وستغربت من شكله
هذه الزراك ال بالجفن كامت اعيوني اتوشله
محسن يطيح اشلون حيره
لو شاف اخيته بسوك اسيره
ينشال كوه مثل الحسين
واجمع دللوله بحصيره
لو راسي ماحركته يعني الولد طيحته
خل واحد يلوليله لاتنكطع سالفته
اخوكم جيته ليكم سلام الله عليكم
الليله اخر ليله
~~~~~
المستهل
~~~~~
وي زينب اشما اختنك بالشبكه خل تشبكني
كطع النفس مو للضلع ليل اهدعش خانكني
شفت بعبايتهه الركض وتصيح خويه الحكني
وتكلي مو بس بالكلب يايمه شلعوا متني
توني ارد اروحن وي بناتي
والموت حط روحه بحياتي
شلون اطلع من البيت للباب
وماطالعه انه من عباتي
وي البجي وشموعي يختلط دم اضلوعي
وثنينهن بيديه ماعرف ياهي ادموعي
اغمض وامشي بيكم سلام الله عليكم
الليله اخر ليله
~~~~~
المستهل
~~~~~
يولدي غطوا الشيب اذا سألوكم اعله الفركه
وماترهم ادري ال بالضرب عين امه صارت زركه
ضموا الدمع مثل الكسر والمات ميت حكه
باجر وراكم فاتحه والفاتحه اتحب ملكه
بالماي خلوا البيت غركان
عن لا ينام حسين عطشان
وفراش افرشوا حدر اخوكم
باجر شمس وينام عريان
جنه انكطع ملكاكم بس عمري ما انساكم
خلصت الليله ابسرعه يايمه الله اوياكم
بعد للطف اجيكم سلام الله عليكم
الليله اخر ليله
~~~~~
المستهل
