كلمات باب البيت مكتوبة
الرادود حيدر البياتي
كلمات الشاعر صفاء الدفاعي الرميثي
- رابطة اصحاب الكساء | العراق - واسط - ناحية سيد الشهداء
- جمادى الاولى :: 2022-1444
- ~~~~~~~~~
- قصيدة : باب البيت مكتوبة
- الرادود : حيدر البياتي
- كلمات : صفاء الدفاعي الرميثي
- ~~~~~~~~~
- كتابة القصيدة : موقع صوت مكتوب
- تصوير : مجموعة ميامين للانتاج الفني
- مونتاج : محمد كاظم مجيد
- مكساج : حسن يونس
~~~~~
كل ما شفت باب البيت
يايمه اموت اتمنيت
لو لا الستر والاحجاب
ما خلي بالحايط باب
~~~~~
أمد ايدي اعلباب البيت ويجرح راحتي البسمار
نزل دمعي مثل جبريل من ينزل بهاي الدار
حمامه وعنكبوت وخيط وكفوا للنبي بالغار
يابنت النبي جا ليش حاطوج بحطب وبنار
غار النبي يا هالناس
بدار النبي ما ينقاس
لو ادري تغدرنه اصحاب
ما خلي بالحايط باب
~~~~~
المستهل
~~~~~
جمدت أيدي يم الباب وجمد مجرى الدمع عالخد
شفت اوجوه فوك الباب الملامح اسود باسود
أسمع صوت يلله وحيل إدفع لا تهاب احد
ومثل ما كسروا الأصنام كسِّر ضلع بت احمد
من اهل الوحى والإسلام
ناخذ بثار الأصنام
لو ادري بيهم إرهاب
ما خلي بالحايط باب
~~~~~
المستهل
~~~~~
ما اريدن أدك الباب اريد امسح عليهه الدم
واشاهد صورتج يمه واريد اشبكهه واتألم
على وجه الخشب خليت خذي وردت بيج اشتم
ترس خشمي دخان النار وترس كلبي الحزن والهم
حسبالي اشمج قرآن
شو كمت اشم بس دخان
لو ادري خصمج حطاب
ما خلي بالحايط باب
~~~~~
المستهل
~~~~~
تعبني العتب واللوم والشايل جرح يتعب
يم العتبه كلت اكعد وفرّغ دمعتي وانحب
أسمع صوت ناداني وجر جمرتي التلهب
المحسن صاح عالعتبه كبر سويلي يا زينب
خويه بَدل باب الدار
سويلي مرقد ينزار
لو ما طحت عالاعتاب
ما خلي بالحايط باب
~~~~~
المستهل
~~~~~
بجفي ما ادك الباب يمين اعليه ما مسهه
أرش العتبة بدموعي وارد برموشي أكنسهه
ليل انهار اظل يمهه وظل بروحي أحرسهه
خوفي لا يجي واحد ويدفعهه اعله خامسهه
خوفي ييمه من البين
يدفع الباب اعله حسين
لو ترهم بأي اسباب
ما خلى بالحايط باب
~~~~~
المستهل
~~~~~
ييمه من شفت بابج شبت نار بخيامي
عرفت النار ما تطفه وباجر تحرك اجدامي
بيمه من شفت متنج شفت عاشور والآمي
وييمه من طلع نعشج طِلعَت للسبي ايتامي
بصدرج ييمه المهشوم
صدر الحسين المظلوم
لو أعلم تغيب احباب
ما خلي بالحايط باب
