كلمات مجانينه مكتوبه
الرادود محمد الجنامي
كلمات الشاعر كرار حسين الكربلائي
- حسينية الحاج عبد الزهره الفرطوسي | العراق - ميسان - حي القاهرة
- شهر محرم :: 2022-1444
- ~~~~~~~~~
- قصيدة : مجانينه مكتوبة
- الرادود : محمد الجنامي
- كلمات : كرار حسين الكربلائي
- ~~~~~~~~~
- كتابة القصيدة : موقع صوت مكتوب
- تصوير : SS للانتاج الحسيني
- مونتاج : سجاد سلام
~~~~~
مجانينه مجانينه
يلايم بله خلينه
~~~~~
عشكمنه مو عشك عابر
عشك ماصاير وداير
عله السحكوه بالحافر
كلبنه معاشر ونينه
رفعنه بكل شبر رايه
لطم ودموع وقرايه
لابو السجاد مشايه
طريق الحب يودينه
~~~~~
المستهل
~~~~~
خدم عد باب ابو اليمه
جبيره عدنه هالنعمه
البشر صلطان بالخدمه
ابو اليمه يعلينه
عزيز الزهره منعوفه
وحك عباس وجفوفه
كتبنه بالدمه حروفه
يعيش بكل نبض بينه
العشك ربالهم عله
تمنوا عنه نتخله
ابد هيهات للذله
نموت كبال والينه
~~~~~
المستهل
~~~~~
يسر حيرنه تفسيره
نحبه مانحب غيره
نعيش بنعمته وخيره
فضل خيره يغطينه
علت بسمه مراتبنه
فتحناله مواكبنه
قليل المنحره حبنه
ابد مايوم وفينه
عطشنه وهو روانه
عرينه وهو غطانه
انجرحنه وهو داوانه
واذا تهنه يدلينه
~~~~~
المستهل
~~~~~
رفع راسه رمح عالي
ورفعنه الروس للتالي
جبير حسينه الغالي
العبد يتباهه بحسينه
تضل دمعتنه سجابه
عله حسين وعله مصابه
نضيع ونلتم ابابه
علينه بكل وكت عينه
حسينيه هويتنه
المجالس هاي جمعتنه
املنه بهاي خدمتنه
اذا نعثر تنجينه
~~~~~
المستهل
~~~~~
عشكنه والفرض هوه
عشكنه وغيره مانهوه
عشكنه بأسمه نتروه
نبع صافي ويرونه
يناس الخدمه نهواها
نعيش نموت وياها
ابد مايوم ننساها
شمسنه الدوم تضوينه
يدرتنه السماويه
مودتنه حسينه
زيارتنه الاربعينه
عله الجنه تدلينه
~~~~~
اجينه خطوه عالخطوه
زلم كلها وفه ونخوه
وامير الغيره والخوه
يسجلها اسامينه
الى ياأيها الساقي
اسقني ابكاسك الباقي
احبك صاحت اعماقي
يوافي العهد لسكينه
ابو فاضل معلمنه
محامينه بماتمنه
تره بهذه الحزن همه
حزن من الازل بينه
~~~~~
المستهل
