كلمات قصيدة عابر ديرة ديرة مكتوبه
الرادود مسلم الوائلي
كلمات الشاعر علي الغزي
~~~~~~
تباهت كربلاء ما بين الاقطار
عزيز الزهرة عدهه الليلة خطار
صاحت و الهلا من السانه اسيل
هله ابهاي الحيود الراكبة الخيل
~~~~~~
هلا بالجاي كاطع سكة الموت وعابر ديرة ديرة
مسروجة الخيول اواحد الراي بحيود العشيرة
الكل منكم يمينه ملاويه الموت وفرحان بمصيرة
جنح جبريل عن حر الشمس گام فيه اعله المسيرة
يشراف القبايل واكرم الگوم
الفخر كل الفخر خطاري اليوم
وعساكم بالأمان اكبار وزغار
عزيز الزهره عدهه الليله خطار
~~~~~~
تباهت كربلاء ما بين الاقطار
عزيز الزهرة عدهه الليلة خطار
صاحت و الهلا من السانه اسيل
هله ابهاي الحيود الراكبة الخيل
~~~~~~
هله بگمرة الليل الضوت بطيب كل ظلمه بمجاني
بيرغ للحزن ما ينكس يوم شايلكم زماني
اول بالمفاخر دوم تمسون وما صاحبتوا ثاني
صار سنين اناطر وحسب احساب ولهل ملگه اتاني
سمره وجوهكم من حر الشموس
وللموت الشرف سلمتوا النفوس
يسباع الوغه وسادات الأحرار
عزيز الزهره عدهه الليله خطار
~~~~~~
تباهت كربلاء ما بين الاقطار
عزيز الزهرة عدهه الليلة خطار
صاحت و الهلا من السانه اسيل
هله ابهاي الحيود الراكبة الخيل
~~~~~~
حطوا ارحالكم نصبوها الخيام هذا الماي اشربوة
باجي اعله المحتم يوم يومين وتذبل هاي الوجوة
يم حسينكم لا يدنه مكروه حته الريح امنعوة
لو عز الفرات اعله الوديعات ماي العين اعصروة
من گلوبكم جن اسمع الآه
تركض عله الموت تريد ملگاه
دمتوا اعله العهد يا خير الانصار
عزيز الزهره عدهه الليله خطار
~~~~~~
تباهت كربلاء ما بين الاقطار
عزيز الزهرة عدهه الليلة خطار
صاحت و الهلا من السانه اسيل
هله ابهاي الحيود الراكبة الخيل
~~~~~~
يا حي الحسين اربات الأطياب وناموس الامامه
يل جنك محمد طبق الاوصاف بالزي والعمامه
ريت الموت عنك دار مگفاه وما توصل اجدامه
يخسه الليل الاسود كون ياذيك ما تگدر تنامه
تذبل فاطمه لو ذبلت اشفاك
وبلعنة اجدادك تبتلي اعداك
وروحك روح طه وسر الاسرار
عزيز الزهره عدهه الليله خطار
~~~~~~
تباهت كربلاء ما بين الاقطار
عزيز الزهرة عدهه الليلة خطار
صاحت و الهلا من السانه اسيل
هله ابهاي الحيود الراكبة الخيل
~~~~~~
هليله بسلامه تبركت بيك كل اتراب عالگاع
وصوت الحگ الواضح مثل الهلال سمع كل الاسماع
يا گلب الوفه الزارفته الهموم وجاير من الوداع
كل الودعاك تباغض وياك خابت عيشته وضاع
تتناثر محبتك ما ادري منين
وتتباجه اللسن من نلفض حسين
وتتشابح عليك بحيره الانظار
عزيز الزهره عدهه الليله خطار
~~~~~~
تباهت كربلاء ما بين الاقطار
عزيز الزهرة عدهه الليلة خطار
صاحت و الهلا من السانه اسيل
هله ابهاي الحيود الراكبة الخيل
~~~~~~
قصيدة شور عن السبي
الشاعر حسين حمدان الدلفي
من الطف لديار الغربة رحلة أآلام
من صعبة أطلع ودخل صعبة بدروب الشام
سوگ الشام شلون أنطبة وماندري شظام
بزجر وسياط وأحبال وشتيمة
يمشون الضعن وسفة وهظيمة
جراحات السبي كلش أليمة
يتيم يسولف همومة اليتيمة
المنچوي بنار يشتكي جروحة الخواتة
كلهم ازغار هذا طف ونايباتة
والرمل حار الجمر كلهن ساحگاتة
~~~~~~
چم مهجة الظلت لهفانة وتريد أڤياي
عطشان يصبر عطشانة ياجرح الماي
يانزف المجروح ألسانة من يحچي وياي
أنوح اعليك ليلي وكل نهاري
أخطفت چم لون ياشمس الصحاري
العطش بعيونة والماي جاري
أثاري العطش هم راد أنكساري
جابوا الماي شگد عطشنة وماشربنا
ضعني وفاي والحرب هاي حربنا
أحمل أظماي ولا شماتة بكل دربنا
~~~~~~
بدروب شگد مروا بينة غربة وشمات
كلهة تأشر وتصد لينة سوگ وولايات
فرجة وكلهة تصيح اعلينة ها مسبيات
أصيح بصوت خوية ياغربتي
وراسك عالرمح يبچي المحنتي
ولاخليت عين تصد دمعتي
أظل مهيوبة وأنة بنص كسرتي
أنحني شلون وأنة لبوة هاشمية
مايگدرون للمهابة الحيدرية
أكفل أضعون ما أبينلهم سبية
~~~~~~
شفنة الضيم المامر واحد بمر الأزمان
حاقد سلم ضعني الحاقد بين الأوطان
احبال وسوط وحچيي الجاحد ضد النسوان
القصر والسوگ والهم والخرابة
گعدنة أيام كثرة أعلى الترابة
تحملت السبي وضيمة وعذابة
ورجعت مخدرة وكلي مهابة
جور الأيام أتحملت كل المصايب
غربة الشام والحچي وليل الخرايب
جرح ال ألام شاهد وذيچ النوايب
~~~~~~
من ديرة يودونة الديرة رفضو نرتاح
الروس ويانة تسير بحيرة برمح الذباح
متعوبات وحالة أچبيرة خطوات أنياح
حرم وأيتام ضعني شافن الويل
العليل يگلي عمة وشل الحيل
الضعن مشوه من الليل لليل
ودمعنة من الفجر للفجر ترتيل
دمعة العين تنزل بكل خطوة جمرة
والصبر زين لاكن بكل خطوة عثرة
ماعرف وين الحادي بينة يدبر أمرة
~~~~~~
قصيدة للسيدة زينب (ع)
الشاعر موسى البطلي
وين انطي الوجه ~~ والخيمه حركوها
وين انطي الوجه ~~ والخيمه حركوها
~~~~~~
وين انطي الوجه وخيامي محروگه
خليت العبايه ولنهه مشگوكه
شما افگدلي طفله بسوط ملحوكه
وزينب من تصيح ~~ بسوط طكوها
وين انطي الوجه ~~ والخيمه حرگوها
~~~~~~
اريد الطم عليكم ما يخلوني
نص اليل انوحن لا يسمعوني
كلهه تنام وانه محزمه اعيوني
حتى عيوني تبجي ~~ اعليك منعوها
وين انطي الوجه ~~ والخيمه حركوها
~~~~~~
نص اليل اسوي اعليك القرايه
نسواني اليلطمن وانه ملايه
اوصيهن لطمهن كون بهدايه
اخاف من الشمر ~~ لو صاح سكتوها
وين انطي الوجه ~~ والخيمه حركوها
~~~~~~
عاده الينجتل وتصير فاتحته
اول ناعيه التنعه المصيبه اخته
ليش حسين اخوي من انجتل سكته
ياحرمه البجت ~~ لحسين شتموها
وين انطي الوجه ~~ والخيمه حركوها
~~~~~~
خويه اعذرني خاف اوياكم مقصره
بس ما بيه حيل اوداعت الزهره
غير البيضه حگك لو شفت شعره
شيب راس اخيتك ~~ يوم عفتوها
وين انطي الوجه ~~ والخيمه حركوها
~~~~~~
قصيدة لسان حال السيدة زينب (ع)
الشاعر علي صادق المجراوي
هيه زينب هيه هيه بت ابوها الهاشميه
ما تِذل لمن سبوها ومن تصل يم راس اخوها
توگف إتأدي التَحيه
~~~~~~
من بعد حرگ المُخَيّم ~ گالو إهنانه النهايه
شافو حسين وصُحبّته ~ عالثره كلهم ضحايه
ما درو بالطف مراحل ~ ويبتدي دور السبايه
وزينب التطلع تقاتل ~ وعادت الطف للبدايه
راية الكافل بديها ومُعصب اتشده عليها
منها أبدن ما خذوها ومن تصل يم راس اخوها
توگف اتأدي التحيه
~~~~~~
هيه زينب بت ابوها ~ من علي التاخذ خِصاله
وهيه حرمه التسوه ميه ~ وهيه واحد من رجاله
شدت احزام السبايا ~ إتوكلت بسم الجلاله
قدِمّت بالطف اضاحي ~ من اجل هاي الرساله
بت علي حامي الحميه منها ترجف آل أمُيه
بالحبل من گيدوها ومن تصل يم راس اخوها
توگف إتأدي التحيه
~~~~~~
قادت ايتام وارامل ~ وعلنَت الثوره الـﭼبيره
ما تطخ راس بسبيها ~ والاميره اتظل اميره
منبر تبثّه مُباشر ~ ينقِل أحداث المسيره
دوله هيه وهيه رايه ~ اشلون اوصفها اسيره
ينفتح بث الضماير وشاشه تعرِض عالمباشر
والاعادي الشاهدوها ومن تصل يم راس اخوها
توگف اتأدي التحيه
~~~~~~
بلايا زينب ماكو ثوره ~ وتبقه مجهوله الحقيقه
هيه بالطف تحيي امه ~ والظمائر مستفيقه
بالنضال انخط صبرها ~ وللبشر صارت وثيقه
وكَمِلّت ثورة اخوها ~ لاتراجع عن طريقه
ترفع اكتاب وصحيفه وذَكِرّت باهل السقيفه
شيمه تاخذ من ابوها ومن تصل يم راس اخوها
توگف اتأدي التحيه
~~~~~~
خاطبت مهلاً يطاغي ~ وبالقصر نصبت منابر
كيد كيدك انته فاني ~ وزيد جندك انته خاسر
احنه وحي الما تموته ~ نبله وارماح وبواتر
احنه صوت اللهُ واكبر ~ اليرتفع فوگ المناير
أذّن آذان العقيله وطاحت الروس الثگيله
يم رؤوس العلكوها ومن تصل يم راس اخوها
توگف اتأدي التحيه
~~~~~~
زينب ودور السفاره ~ وي دمعها الدبلوماسي
اعليها لاگت هالقياده ~ ومَثِلّت دور السياسي
تسحب بساط الزعامه ~ وتِنگلّب كل الكراسي
وهيه تبقه البصداره ~ وتعتلي الكرسي الرئاسي
هيه سر الله تعالى وهي رمز الهلكفاله
بهل امانه السلموها ومن تصل يم راس اخوها
توگف اتأدي التحيه
~~~~~~
احسنتم وفقكم الله بحق الحسين الشهيد استمرو ❤️❤️
ردحذفعشت
ردحذفاي والله جدو♥♥
ردحذف