كلمات من طاح الجواد مكتوبة
الرادود مسلم الوائلي
كلمات الشاعر علي اكبر الغرابي
- مضيف الامام الحسين (ع) | العراق - ديالى
- ذي القعدة :: 2021-1442
- ~~~~~~~~~
- قصيدة : من طاح الجواد
- الرادود : مسلم الوائلي
- كلمات : علي اكبر الغرابي
- ~~~~~~~~~
- كتابة القصيدة : موقع صوت مكتوب
- تصوير : أعلام الهيئة
- م . صوت : كرار الموالي
- مونتاج : حارث العكيلي
~~~~~
حي اعله العزاء .. صاحت كربلاء
مـن طـاح الـجـواد
والكاظمية ابمقتله .. تشبه ملامح كربله
مـن طـاح الـجـواد
~~~~~
رساله المحرم . مصاب الجواد
وقريته اعله بابه . رسايل نحر
رسمت ابدمعتي . اعله باب المراد
عطش كربلائه . وسوالف نهر
عن طف الحسين مكتوبي يوميه
ولجروحي سويت من صبري عوجيه
حته الدمع صار ما يستلذ بيه
اله اعله الحسين يجويني ليليه
كلما انسه اريد .. الكه الطف جديد
مـن طـاح الــجــواد
والكه الحزن بي قافله .. تشبه ملامح كربله
مــن طــاح الـجـواد
~~~~~
المستهل
~~~~~
رسمت المصيبه . اعله شاطي الخيال
ولكيت الليالي . ابوجه انرسم
الجواد اعله نعشه . يفي الحمام
ولا مجوي ظهره . ابصحاري الالم
بالصحره ما باك حر الشمس لونه
و لادم جبينه نازل على اعيونه
و بحافر الخيل ما كسر امتونه
ولا مثل الحسين كامو يطشرونه
لا فوك الرماح .. راس العصمه لاح
مـن طـاح الـجـواد
ولا حرمه ضاعت بالفله .. تشبه ملامح كربله
مـن طــاح الجواد
~~~~~
المستهل
~~~~~
اضيع ابدمعتي .. واشوف الجواد
بقى اتلث ليالي .. وغريب اندفن
قريت المواقف .. مثل كربلاء
ومثل جده شفته .. ابهذاك الوطن
ومابين الحسين وبينه الحجي هوايه
ما غسله اتراب طف كربله ابهايه
ولا حركو اخيام لا طاحت الرايه
لا عنده نسوان من ولايه لولايه
ما غطه التراب .. جرحه من العذاب
من طـاح الـجـواد
واجروحه صارت تكمله .. تشبه ملامح كربله
مـن طـاح الجواد
~~~~~
المستهل
~~~~~
علي الهادي شفته .. ابوداع الجواد
خلص دمعه دمعه .. اعله نعش الابو
وخذتني المصيبه .. لظهر كربلاء
وذكرت العقيلة .. ابوداع الاخو
تتوادع اشلون العل ناكه سابيهه
وعباس عباس جانت محاجيهه
من الخيمه للشام لاخر نفس بيهه
وي راس الحسين تخلص بواجيهه
ونظرات الوداع .. بيهه الهادي ضاع
مـن طاح الجـواد
وعيون المفارك هله .. تشبه ملامح كربله
مـن طـاح الـجـواد
~~~~~
المستهل
~~~~~
ضعت وامنياتي .. تكلي تعال
وحس عمري دمعه .. اعله باب الامل
و اشم يم ضريحه .. عطر كربلاء
وسوالف محنه .. ترسهه الخجل
بحساسي عاشور من يوصل امصابه
وانحب عله حسين من اوكف ابابه
وما يفرق اهواي عن كربله اترابه
وما ادري شيصير من تلتم احبابه
ليل ابلا نهار .. والطف ثاني صار
مـن طاح الـجواد
بس عنده مامش عايله .. تشبه ملامح كربله
من طـاح الجـواد
~~~~~
المستهل
~~~~~
